«نۇر-سۇلتان جانە الماتى اۋەجايلارى Ashyq بويىنشا جۇمىس ىستەپ جاتىر. قازىر وسى پروتسەستەر مىسالىندا Ashyq-تى باسقا نىسانداردا قولدانۋعا مۇمكىندىك بار», دەدى يۋليا ياكۋپباەۆا وكق بريفينگىندە.
ول جاقىندا «استانا-ارەنا» ستاديونىندا كورەرمەن قاتىسقان فۋتبول ماتچى وتكەنىن ايتتى. بۇل كارانتين شەكتەۋلەرى باستالعاننان بەرگى العاشقى اۋقىمدى شارا. وندا شامامەن 6 مىڭ ادام جينالعان, «سارى» مارتەبەسى بار ءبىر ادام انىقتالعان.
«ەگەر پروتسەستى تولىق تەڭگەرە الساق, بۇل تاجىريبەنى باسقا ارەنالارعا تاراتا الامىز, ءتىپتى كەلۋشىلەردى 20-30 پايىزعا دەيىن كوبەيتەمىز دەپ ۇمىتتەنەمىز.
دەمالىس كۇندەرى باس سانيتارلىق دارىگەر قاۋلى شىعاردى, قولدانبالى بيزنەس ءۇشىن جۇمىس ىستەۋ ەداۋىر جەڭىلدەدى. Ashyq-پەن جۇمىس ىستەمەيتىن باسقا نىساندار ءۇشىن تالاپتار ءار ايماقتا ءار ءتۇرلى بولادى. شىمكەنت, تۇركىستان, اقتاۋ, قوستاناي اۋەجايلارى كەستەگە سايكەس سانيتارلىق دارىگەردىڭ بۇيرىعىنا ەنگىزىلگەن», دەپ قوستى ياكۋپباەۆا.
