«بۇل نۇر-سۇلتان قالاسىنىڭ تۇرعىندارى ءۇشىن عانا ەمەس, بارلىق قازاقستاندىقتار ءۇشىن وزەكتى ماسەلە. جەرگىلىكتى اتقارۋشى ورگانداردىڭ شەشىمدەرىمەن سۋعا تۇسۋگە بولاتىن ورىندار ايقىندالادى. اكۆاتوريانىڭ, جاعالاۋ جيەگىنىڭ جاي-كۇيىن تەكسەرگەننەن كەيىن سانيتاريالىق-ەپيدەميولوگيالىق قىزمەتتەر وسى جەر ۋچاسكەلەرىن جاعاجايلار رەتىندە پايدالانۋ قۇقىعىنا رۇقسات بەرەدى. تيىسىنشە, ينفراقۇرىلىم ۇيىمداستىرىلۋى كەرەك, جۇزۋگە بولاتىن ورىندار, جۇزۋگە بولمايتىن جەرلەردە شەكتەۋلەر مەن قاۋىپسىزدىكتى قامتاماسىز ەتەتىن پوست ۇيىمداستىرىلۋى كەرەك. بۇل, ەڭ الدىمەن, جەرگىلىكتى اتقارۋشى ورگانداردىڭ جۇمىسى. نەگە ىشكى ىستەر قىزمەتكەرلەرىمەن بىرگە رەيدتىك ءىس-شارالار وتكىزەمىز؟ سەبەبى وتكەن جىلى شومىلۋ ماۋسىمىندا قايعىلى وقيعالار بولدى. تەك شومىلۋ ماۋسىمىندا 350 ادام قايتىس بولدى, ونىڭ ىشىندە 70-كە جۋىعى بالا. بۇل قاۋىپسىزدىكتى قامتاماسىز ەتپەيتىن دۇرىس ەمەس جانە جابدىقتالماعان جەرلەردە شومىلۋدىڭ سالدارى وسىنداي قايعىلى وقيعاعا اكەلەتىنىن بىلدىرەدى», دەپ قورىتىندىلادى ەلدىڭ باس قۇتقارۋشىسى.
