ونىڭ ىشىندە 6 سىبايلاس جەمقورلىق باپتارى, كاسىپكەرلىك قىزمەت سالاسىنداعى 2 قۇرام جانە مەملەكەتتىك بيلىك ينستيتۋتتارىنا قول سۇعاتىن جانە اكىمشىلىك نەمەسە قىلمىستىق پروتسەستەردى جۇرگىزۋ كەزىندەگى بۇزۋشىلىقتارعا بايلانىستى 7 قۇقىق بۇزۋشىلىقتى اتاۋعا بولادى.
«قابىلدانىپ جاتقان شارالاردىڭ ناتيجەسىندە 2021 جىلعى 17 مامىرداعى جاعداي بويىنشا 42 اكىمشىلىك حاتتاما جاسالدى, ونىڭ ىشىندە 34 حاتتاما سىبايلاس جەمقورلىق قۇقىق بۇزۋشىلىقتار بويىنشا», دەيدى سىبايلاس جەمقورلىققا قارسى ءىس-قيمىل اگەنتتىگى.
كوپ جاعدايدا اكىمشىلىك جاۋاپكەرشىلىككە جەرگىلىكتى اتقارۋشى ورگانداردىڭ, سونداي-اق مەملەكەتتىك ورگانداردىڭ جانە قۇقىق قورعاۋ ورگاندارىنىڭ قىزمەتكەرى مەن جۇمىسكەرلەرى تارتىلدى.
مىسالى, اقبتك-ءنىڭ 681-بابىنا سايكەس بۇرىن سىبايلاس جەمقورلىق قۇقىق بۇزۋشىلىق جاساعان ادامداردى جۇمىسقا قابىلداۋ فاكتىلەرى بويىنشا باتىس قازاقستان وبلىسىنىڭ سپورت جانە دەنە شىنىقتىرۋ باسقارماسىنىڭ باسشىسى ەسەندياروۆ, اقمولا وبلىسىنىڭ تۋريزم باسقارماسىنىڭ باسشىسى عابدۋللين, اقتوبە وبلىسى حرومتاۋ اۋدانىنىڭ مادەنيەت جانە تىلدەردى دامىتۋ ءبولىمىنىڭ باسشىسى ياكەن اكىمشىلىك جاۋاپكەرشىلىككە تارتىلدى.
ولاردىڭ بارلىعىنا 50-دەن 100 اەك-كە دەيىن اكىمشىلىك جازا تاعايىندالدى.
اقبتك–نىڭ 676-بابىنا سايكەس جەكە تۇلعالارعا زاڭسىز ماتەريالدىق سىياقى بەرۋ بويىنشا:
- پاۆلودار وبلىسىندا تىرەك–قيمىل اپپاراتى بۇزىلعان بالالاردى وڭالتۋدىڭ ارناۋلى الەۋمەتتىك قىزمەتتەر كورسەتۋ ورتالىعىنىڭ باس بۋحگالتەرى ابەلدينوۆادان وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ جوعارى تۇرعان باسشىسى التىباەۆاعا 10 مىڭ تەڭگە كولەمىندە زاڭسىز ماتەريالدىق سىياقى جانە جالپى قۇنى 3 600 تەڭگە بولاتىن كامپيت قورابى مەن شاراپ بوتەلكەسى تۇرىندەگى سىيلىق بەرگەنى ءۇشىن 100 اەك مولشەرىندە (291,7 مىڭ تەڭگە).
- اتىراۋ وبلىسىندا «اتىراۋ وبلىستىق ۆەتەرينارلىق باقىلاۋ جانە قاداعالاۋ كوميتەتىنىڭ اۋماقتىق ينسپەكتسياسىنىڭ» باسشىسى بيسەنعاليەۆتان كوميتەت توراعاسىنىڭ مىندەتىن اتقارۋشى نۇرتازيناعا قۇنى 10 مىڭ تەڭگە بولاتىن بالىق ونىمدەرى تۇرىندەگى زاڭسىز ماتەريالدىق سىياقى بەرگەنى ءۇشىن 100 اەك (291,7 مىڭ تەڭگە) كولەمىندە ايىپپۇلدار ءوندىرىپ الىندى.
وسىعان ۇقساس فاكتىلەر نۇر-سۇلتان, الماتى قالالارى مەن الماتى, جامبىل, اقتوبە, قاراعاندى, قىزىلوردا, قوستاناي جانە سولتۇستىك قازاقستان وبلىستارىندا بار.
سىبايلاس جەمقورلىققا قارسى قىزمەتتىڭ اكىمشىلىك ماتەريالدارى بويىنشا سالىنعان ايىپپۇلداردىڭ جالپى سوماسى 159,2 ملن تەڭگەنى قۇرادى, 154,3 ملن تەڭگە ءوندىرىلدى.
سوتتار 9 اكىمشىلىك ءىس جۇرگىزۋدى قارادى.
28 – قىسقارتىلعان ءوندىرىس تارتىبىمەن قارالدى (اقبتك 810 – بابى), تاعى 4-ەۋى – سوتتا قارالۋدا, 1-ەۋى ەسكىرۋ مەرزىمىنىڭ وتۋىنە بايلانىستى توقتاتىلدى.
