ەگىستىكتەر مەن اگرارلىق كاسىپورىندارعا ەكسپەديتسيا جاساۋ يدەياسى ەگىس جۇمىستارىنىڭ بارىسىن, ەگىستىكتەردىڭ جاي-كۇيىن, وڭىرلەردە جانە جالپى ەلدەگى ەگىن جيناۋ تۋرالى جاڭا اقپاراتتى حابارلاۋ ماقساتىندا پايدا بولعان. اگروكەرۋەن تەك داقىلداردى ءوسىرۋ تەحنولوگيالارى جايلى ايتىپ قانا قويماي, سونىمەن قاتار فەرمەرلەردىڭ جۇمىسىن كورسەتىپ, ولاردىڭ قيىندىقتارى مەن ماسەلەلەرىن ايتۋ بولىپ تابىلادى.
«اگروكاراۆان-قازاقستان نارىعىنداعى جاڭا جوبالاردىڭ ءبىرى. ءبىزدىڭ مىندەتىمىز-اگرارلىق نارىقتى زەرتتەۋ, سالانىڭ دامۋىن تۇتاستاي كورسەتۋ, فەرمەرلەرگە وزىق اگروتەحنولوگيالاردىڭ ارتىقشىلىقتارىن ءتۇسىندىرۋ جانە ولاردى قولدانۋ ءۇشىن كاسىپورىندارمەن تىكەلەي بايلانىس ورناتۋ بولىپ تابىلادى. اگروكاراۆان رەسپۋبليكا ايماقتارىنداعى اۋىل شارۋاشىلىعىن وندىرۋشىلەرگە تاجىريبە الماسۋعا كومەكتەسەدى», دەيدى ElDala.kz پورتالىنىڭ باس رەداكتورى سەرگەي بۋيانوۆ.
بۇل جوبا ونلاين رەجيمىندە حابارلانادى: كوماندا مۇشەلەرى كۇندىز كاسىپورىنداردى ارالاپ, ولارمەن سۇحباتتاسادى, كەلەسى كۇنى رەپورتاج سايتتىڭ اگروكاراۆان بلوگىندا جاريالانادى. بۇل ماتەريالداردان بيىلعى ەگىن ماۋسىمىنىڭ ەرەكشەلىكتەرى, پروبلەمالارى مەن جەتىستىكتەرى, داقىلداردى ءوسىرۋ تەحنولوگيالارى, اگروتەحنيكالىق زاماناۋي تاسىلدەر, قولدانىلاتىن تۇقىمدار, وسىمدىكتەردى قورعاۋ قۇرالدارى مەن تاڭدالعان تىڭايتقىشتاردىڭ تۇرلەرى, پايدالانىلاتىن اۋىلشارۋاشىلىق تەحنيكالارى تۋرالى باسقا دا مالىمەتتەردى بىلۋگە بولادى. سونىمەن قاتار اگروكاراۆان وسى سالاعا قاتىستى ماتەريالدارعا شولۋلار مەن تالداۋلار جاسايتىن بولادى.
ءبىرىنشى تۋر 10 مامىردا شىعىس قازاقستان وبلىسىنان باستالدى. جالپى العاندا اگروكاراۆان كومانداسى 6 وبلىسقا بارادى, ولار – شىعىس قازاقستان, پاۆلودار, قاراعاندى, اقمولا, قوستاناي, سولتۇستىك قازاقستان وبلىستارى. كۇن سايىن اگروكاراۆان ورتا ەسەپپەن 300-500 كم جول ءجۇرىپ, كەم دەگەندە بىرنەشە اگرارلىق كاسىپورىندى ارالايدى.
ءبىرىنشى كروپ-تۋردىڭ سەرىكتەستەرى-ەلىمىزدەگى جەتەكشى كاسىپورىندار بولدى, اتاپ ايتقاندا, فوسفورلى مينەرالدى تىڭايتقىشتار ءوندىرۋشى «قازفوسفات», تۇقىم ءوسىرۋشى ب-اگرو, اۋىلشارۋاشىلىق تەحنيكالارىن شىعارۋشى- روستسەلماش كومپانيالارى بولدى.
