الماتى وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, وقيعا 19 مامىر كۇنى تۇنگى ساعات 22:05 شاماسىندا بولعان.
الدىن الا بولجام بويىنشا, تالعار اۋدانىنىڭ «جالعامىس-توڭكەرىس» جولىندا «Daewoo Espero» اۆتوكولىگىنىڭ 36 جاستاعى جۇرگىزۋشىسى قارسى باعىتقا شىعىپ كەتكەن. سالدارىنان «Mitsubishi Galant» كولىگىنە سوعىلعان.
«وقيعا ورنىندا «Daewoo Espero» كولىگىنىڭ 30 جاستاعى جولاۋشىسى مەرت بولدى. ونىڭ 4 جاستاعى قىزى الماتى قالاسىنداعى اۋرۋحاناعا جەتكىزىلدى. سونداي-اق وسى كولىكتە بولعان 31جاستاعى جانە ەكىنشى كولىكتىڭ 53 جاستاعى جولاۋشىسى ءتۇرلى دەنە جاراقاتىمەن وتەگەن باتىر اۋىلىنداعى اۋرۋحاناعا ءتۇستى», دەلىنگەن ۆەدومستۆونىڭ حابارلاماسىندا.
قازىر اتالعان فاكتىگە سايكەس قر قك 345 بابى 3 بولىگى بويىنشا سوتقا دەيىنگى تەرگەۋ ءجۇرىپ جاتىر. قاجەتتى ساراپتامالار تاعايىندالعان.
