ايماقتار • 20 مامىر، 2021

زاڭسىز جۇرگەن 58 ميگرانت انىقتالدى

11 رەت كورسەتىلدى

الماتى وبلىسىندا كوشى-قون زاڭناماسىن بۇزعانى ءۇشىن 58 شەتەلدىك جاۋاپكەرشىلىككە تارتىلدى، دەپ حابارلايدى Egemen.kz.

الماتى وبلىسى پد پوليتسياسى ميگرانتتار جۇرەتىن جەرلەردە كوشى-قون زاڭناماسىن بۇزعانداردى انىقتاۋ بويىنشا شارالار وتكىزدى.

«بيىل تالدىقورعان پب اۋماعىندا بىرنەشە رەت جەدەل-الدىن الۋ شارالارى جۇرگىزىلدى. ماقساتى – زاڭسىز كوشى-قون ارنالارى جولىن كەسۋ، ەل اۋماعىندا بولۋ رەجيمىن بۇزاتىن جانە ەڭبەك قىزمەتىن زاڭسىز جۇزەگە اسىراتىن شەتەل ازاماتتارىن انىقتاۋ، سونداي-اق شەتەل ازاماتىنىڭ ەڭبەگىن پايدالاناتىن جۇمىس بەرۋشىلەر قىزمەتىنە باقىلاۋ جاساۋ»، دەدى الماتى وبلىسى پد باستىعىنىڭ مىندەتىن اتقارۋشى پوليتسيا پولكوۆنيگى ەلمۇرات نۇرسەيىتوۆ.

قابىلداۋ-ءبولۋ ورنىنا 32 ادام جەتكىزىلدى، جەكە باسىن كۋالاندىراتىن قۇجاتتارى جانە بەلگىلى ءبىر تۇرعىلىقتى جەرى جوق 11 ادام قاماۋعا الىندى.

«جەدەل الدىن الۋ شاراسى كەزىندە قازاقستان رەسپۋبليكاسىنىڭ اكىمشىلىك زاڭناماسىن 152 رەت بۇزۋ دەرەگى انىقتالدى. 131 تۇلعا اكىمشىلىك جاۋاپكەرشىلىككە تارتىلدى، ونىڭ 58-ءى شەتەلدىك»، دەدى پوليتسيا پولكوۆنيگى نۇرسەيىتوۆ

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار