ايماقتار • 18 مامىر، 2021

الماتىدا ادام ولتىرگەن قىلمىسكەر ءوز كىناسىن مويىندادى

93 رەت كورسەتىلدى

الماتى وبلىسىنىڭ 24 جاستاعى تۇرعىنى ادام ولتىرگەنىن مويىنداپ، ءمايىتتى جاسىرعان جەرىن كورسەتتى، دەپ حابارلايدى Egemen.kz الماتى وبلىسى پوليتسيا دەپارتامەنىڭ ءباسپاسوز قىزمەتىنە سىلتەمە جاساپ.

2021 جىلى 16 مامىردا ىلە اۋدانىنداعى ازاماتتىق ءىس جۇرگىزۋ كەزەكشى بولىمىنە جەرگىلىكتى تۇرعىنداردان شاقىرتۋ تۇسكەن. وقيعا ورنىنا جەدەل-تەرگەۋ توبى بارىپ، بەلگىسىز بىرەۋلەر اراسىندا جانجال تۋعانىن انىقتاعان.

ء«بىر تاۋلىك ىشىندە كريمينالدىق پوليتسيا قىزمەتكەرلەرى مەن ۋچاسكەلىك ينسپەكتورلار 24 جاستاعى تۇرعىندى انىقتاپ، ۇستادى. ول وقيعاعا قاتىسى بار ەكەنى تۋرالى بىرقاتار دالەل كەلتىرگەننەن كەيىن ادام ولتىرگەنىن مويىنداپ، ءمايىتتى جاسىرعان جەرىن كورسەتتى. ايعاقتاردى تەكسەرۋ بارىسىندا وقيعا ورنىندا، اۋىل ماڭىنداعى القاپتان 31 جاستاعى تۇرعىننىڭ ءمايىتى تابىلدى. جابىرلەنۋشىنىڭ دەنەسىندە زورلىق-زومبىلىق ىزدەرى بار. كۇدىكتى قىلمىس جاساعان قۇرالدى لاقتىرىپ جىبەرگەن. ونى انىقتاۋ ءۇشىن شارالار قابىلداندى»، دەدى ءوڭىردىڭ پد وكىلدەرى.

دەرەك قازاقستان قىلمىستىق كودەكسىنىڭ 99-بابى 1-بولىگى «ادام ءولتىرۋ» بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەلگەن. كۇدىكتى ۋاقىتشا ۇستاۋ يزولياتورىنا قامالدى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار