ايماقتار • 18 مامىر، 2021

سولتۇستىك قازاقستان وبلىسىندا شاڭدى داۋىل سوقتى

17 رەت كورسەتىلدى

«قازگيدرومەت» رمك سقو فيليالىنىڭ مالىمەتىنشە، تايىنشا اۋدانىندا ەكپىنى سەكۋندىنا 33 مەترگە دەيىن جەتەتىن داۋىل تۇرعان. كوپتەن جاڭبىر جاۋماعاندىقتان قاتتى جەل شاڭدى كوتەرىپ، كورۋ مۇمكىندىگى 500 مەتر راديۋستا شەكتەلدى، دەپ حابارلايدى Egemen.kz.

«بۇل كەنەتتەن تۋىندايتىن گيدرومەتەورولوگيالىق قۇبىلىس، اۋا ماسساسى اۋىسقان كەزدە جانە تەمپەراتۋرا وزگەرگەندە پايدا بولادى. تالشىق ەلدى مەكەنىندە ورنالاسقان اۆتوماتتاندىرىلعان مەتەستانساسىندا دا شاڭدى داۋىل تىركەلدى. ول اۋىلدا جەلدىڭ ەكپىنى سەكۋندىنا 24 مەترگە دەيىن جەتكەن. بۇل اۋا رايىنىڭ قاۋىپتى قۇبىلىسىنا جاتادى»، دەيدى «قازگيدرومەت» رمك سقو فيليالىنىڭ ديرەكتورى قىمبات مەرعاليموۆا.

ءدال وسىنداي داۋىل ءۋاليحانوۆ اۋدانىنىڭ كىشكەنەكول ەلدى مەكەنىندە دە بايقالدى. ول جەردە جەلدىڭ ەكپىنى سەكۋندىنا 17 مەتر بولعان.

سوڭعى جاڭالىقتار

ۇقساس جاڭالىقتار