سپورت • 18 مامىر، 2021

جاتتىقتىرۋشىلاردىڭ جالاقىسى جىل سايىن وسەتىن بولدى

14 رەت كورسەتىلدى

بۇگىن ءماجىلىستىڭ الەۋمەتتىك-مادەني دامۋ كوميتەتىنىڭ كەڭەيتىلگەن وتىرسىندا مادەنيەت جانە سپورت ۆيتسە-ءمينيسترى ەرلان قوجاعاپانوۆ سپورت سالاسىنداعى مامانداندىرىلعان مەكتەپتەر مەن كوللەدج قىزمەتكەرلەرىنىڭ جالاقىسى جىل سايىن كوبەيتىلەتىن جەتكىزدى، دەپ حابارلايدى Egemen.kz

«پاندەميا كەزىندە مەملەكەت الەۋمەتتىك قولداۋ شارالارىن جانە رەسپۋبليكالىق سپورت ۇيىمدارىن قارجىلاندىرۋدى توقتاتقان جوق. 2020 جىلدىڭ 1 قاڭتارىنان باستاپ سپورت سالاسىنداعى مامانداندىرىلعان مەكتەپتەر مەن كوللەدج قىزمەتكەرلەرىنىڭ جالاقىسى كوبەيتىلدى، ول 2023 جىلعا دەيىن جىل سايىن 25 پايىزعا وسەتىن بولادى»، دەدى ە.قوجاعاپانوۆ.

سونىمەن قاتار مەملەكەتتىك ءبىلىم بەرۋ ۇيىمدارىنىڭ مۇعالىمدەرىنە ساباقتان تىس سپورتتىق ساباقتاردى جۇرگىزگەنى ءۇشىن بازالىق لاۋازىمدىق جالاقىدان 100% مولشەرىندە قوسىمشا اقى بەلگىلەۋ تۋرالى ماسەلە شەشىمىن تاپتى. ونىڭ ايتۋىنشا، كاسىبي سپورت كلۋبتارىن كۇتىپ ۇستاۋعا، حالىقتى، ءبىرىنشى كەزەكتە بالالاردى دەنە شىنىقتىرۋمەن جانە بۇقارالىق سپورتپەن اينالىسۋعا تارتۋعا باعىتتالعان قاراجاتتى قايتا باعدارلاۋ بويىنشا ءىس-شارالار ىسكە اسىرىلىپ جاتىر.

ەسكە سالا كەتەيىك، بۇگىنگى وتىرىس بارىسىندا بۇقارالىق سپورت وڭىرلەردەگى كوپتەگەن ازامات ءۇشىن ءالى دە قولجەتىمدى ەمەس ەكەنى ايتىلدى. ەرلان قوجاعاپانوۆتىڭ سوزىنە قاراعاندا، بىلتىر ەلىمىزدىڭ دەنە شىنىقتىرۋ-سپورت قوزعالىسىنا 5،9 ملن ادام قاتىسقانىن مالىمدەدى.

سوڭعى جاڭالىقتار

ۇقساس جاڭالىقتار