شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, قايسەنوۆ كوشەسىندەگى كوپقاباتتى تۇرعىن ۇيدە ءورت شىققان. وقيعا ورنىنا قۇتقارۋشىلار شۇعىل جەتتى. انىقتالعانداي, وت پودەز ىشىندە 3 جانە 4-قاباتتارداعى ەلەكترەسەپتەگىشتەن شىققان.
ء«ورت سوندىرۋشىلەر وقيعا ورنىنان 36 ادامدى, ونىڭ ىشىندە 8 بالانى ەۆاكۋاتسيالادى. سونداي-اق ءتۇتىن تۇمشالاعان پودەزدەن 12 ادام قۇتقارىلعان. كوپ ۇزاماي 4 شارشى مەتردى شارپىعان ءتىلسىز جاۋ اۋىزدىقتالدى. ءورتتىڭ شىعۋ سەبەبى – ەلەكتر جابدىقتارىنىڭ اپاتتىق رەجيمدە جۇمىس ىستەۋىنەن. قىزىل جالىندى وشىرۋگە جەكە قۇرامنان 23 ادام مەن 7 تەحنيكا جۇمىلدىرىلدى», دەپ حابارلادى ۆەدومستۆو وكىلدەرى
