تەحنولوگيا • 18 مامىر، 2021

Digital تەڭسىزدىك

19 رەت كورسەتىلدى

تسيفرلاندىرۋ سالاسىندا تاس دومالاتىپ، تاۋ كوتەرىپ جاتىرمىز دەگەنى­مىزبەن، شىنايى ارەكەت پەن جەتىستىكتىڭ كۇندەلىكتى ستاتيستيكادان الشاق ەكەنىن ءىشىمىز سەزەدى. قالانىڭ قاق ورتاسىندا ءجۇرىپ تە ينتەرنەتىمىز السىرەپ، قا­راپايىم بەينەبايلانىستىڭ ءوزى-اق كوپ نارسەنى ايگىلەپ بەرەدى. ال مۇن­دايدا اۋىلداعى اعايىن تسيفرلاندىرۋ سەر­ۆيستەرىن تۇتىنىپ وتىر دەۋدىڭ ءوزى ۇيات.

 

بيزنەس جانە قارجى سالاسىندا انا­ليتيكا جاساۋمەن اينالىساتىن Finprom ايماقتار اراسىندا تسيفرلى ساۋاتتىلىق بويىنشا ايىرماشىلىق جەر مەن كوكتەي دەپ جازادى. ءتورت وبلىستىڭ تسيفرلى ساۋاتتىلىعى جوس­پارلانعان مەجەگە دە جەتپەي قالعان. دەگەنمەن جالپىلاما العان­دا ءوسۋ بار. «تسيفرلى قازاق­ستان» مەم­­لە­كەتتىك باعدارلاماسىنىڭ باس­تى مىندەتى 2022 جىلى حالىقتىڭ تسيفر­­لى ساۋات­تىلىعىن 83 پايىزعا جەتكىزۋ بولاتىن. 2020 جىلى 6-74 جاس ارالىعىنداعى ازاماتتاردىڭ ساۋات­تىلىعى 84،1 پايىزعا جەتكەن. ال تو­مەن ناتيجە كورسەتكەن وڭىرلەر – اقمولا (74،9 پايىز)، سولتۇستىك قازاقستان، باتىس قازاق­ستان (78،8 پايىز) جانە ماڭعىستاۋ وبلىستارى (79،6 پايىز). وزگە وڭىرلەردەگى تسيفرلى ساۋاتتىلىق دەڭگەيى 80،9 پايىز بەن 91،4 پايى­ز ارالىعىندا.

ارينە، تسيفرلى ساۋاتتىلىق دامۋ ءۇشىن دە ينتەرنەتكە قولجەتىمدىلىك كەرەك. تسيفرلى دامۋ، يننوۆاتسيا جانە اەروعارىش ونەركاسىبى ءمينيسترى باعدات ءمۋسيننىڭ ايتۋىنشا، DigitEL ۇلتتىق جوباسى قازاقستاندىقتاردى ينتەرنەتپەن 100 پايىز قامتىپ قانا قويماي، IT سالاعا كەلەتىن ينۆەستيتسيا كولەمىن دە ارتتىرادى.

«DigitEL ۇلتتىق جوباسى بەس باعىت بويىن­شا 200 شارانى قاراستىرادى. 2021-2025 جىلدارى جوبانىڭ جۇزەگە اسۋ ناتيجەسىندە حالىقتى ينتەرنەتپەن، دەنساۋلىقتىڭ ەلەكتروندى پاسپورتىمەن 100 پايىز قامتۋ، IT سالاعا كەلەتىن ينۆەستيتسيانى جىلىنا 500 ملرد تەڭ­گەگە، IT ونىمدەر مەن قىزمەتتەرىنىڭ ەكسپورت كولەمىن 500 ملن دوللارعا، ەلەكتروندى ونەركاسىپ ءوندىرىسى كولەمىن 90 ملرد تەڭگەگە دەيىن ارتتىرىپ، 100 مىڭ جۇمىس ورنىن قۇرىپ، وڭىرلەردە 5 IT مەكتەپ اشۋ كوزدەلگەن» دەگەن ەدى مينيستر.

سوڭعى جاڭالىقتار

جاس شەشەندەر سايىسى

وقيعا • بۇگىن، 09:29

جاستارمەن جۇزدەسۋ

وقيعا • بۇگىن، 09:13

اۋىل بالالارىنىڭ ءۇمىتىن ۇكىلەيدى

باعدارلامالار • بۇگىن، 09:05

قانت ءوندىرىسىنىڭ قاۋقارى قانداي؟

ەكونوميكا • بۇگىن، 08:51

ىندەتپەن كۇرەستە ىركىلمەگەن مامان

كوروناۆيرۋس • بۇگىن، 08:34

ارمانىنا جەتكەن جان

رۋحانيات • بۇگىن، 08:30

وتانشىلدىق – تاۋەلسىزدىك تىرەگى

رۋحانيات • بۇگىن، 08:16

العىس ارقالاعان جاناشىر جاندار

مەديتسينا • بۇگىن، 08:01

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار