قازاقستان • 18 مامىر، 2021

قانداستار ءوز ورتامىزعا ورالدى

22 رەت كورسەتىلدى

اتاكۇلدىككە جەتۋ، ءوز وتانىنىڭ نىعايۋىنا ەڭبەك ەتىپ، ۇرپاعىن اعايىن اراسىن قوسۋ – ەلجاندى قازاقتىڭ ارمانى. تۇرىكمەنستانداعى قانداستاردىڭ دا تۋعان ەلگە تابان تىرەۋدى ارمانداعانىنا ءبىراز جىل بولعان. ولار وتانىنا ورالۋعا رۇقسات بەرەتىن قۇجاتتى دا سارىلىپ ءبىر جىل كۇتكەن-ءدى.

بۇعان دەيىن ءبىر لەكتى – 153 جاندى قازاقستانعا اتتاندىرىپ سالىپ، وزدەرىنە كەلەر جاقسى كۇندى كۇتىپ كەيىن قالعان 256 اعايىن ماڭعىستاۋ توپىراعىنا تابان تىرەدى. «تۇرىكمەندەميراللارى» مەملەكەتتىك اگەنتتىگى ارقىلى مامىر ايىنىڭ 12-ءى كۇنى تۇرىك­مەنباشى ستانساسىنان پويىزعا وتىرعان اعايىندار 13 مامىردا شەكارادان بەرى ءوتىپ قازاقستاننىڭ «بولاشاق» ستانساسىنا، ودان كەيىن «جاڭاوزەن» قالاسىنا كەلىپ توقتادى. بۇل قۋانىش قازاقستان رەسپۋبليكاسى سىرتقى ىستەر، اقپارات جانە قوعامدىق دامۋ، سونداي-اق دەن­ساۋ­لىق ساقتاۋ مينيسترلىكتەرى جانە ۇقك شەكارا قىزمەتى، وزگە دە قۇزىرلى ورىندار مەن ۇيىم­داردىڭ  ۇيىمداستىرۋى، قولداۋى ارقىلى جۇزەگە اسقان بولاتىن.

الەمدە ورىن الىپ جاتقان ىندەت جاعدايىنا بايلانىستى كۇتىپ الۋ شاراسى بارلىق سانيتارلىق تالاپتارعا سايكەس وتكىزىلدى جانە مەديتسينالىق، پوليتسەيلىك، كوم­مۋنالدىق، ترانسپورتتىق قىز­مەت­تەرمەن قامتاماسىز ەتىل­دى. كەل­گەن قانداستاردىڭ ەكەۋى­نىڭ تەمپەراتۋراسى 38.2 بول­عان­دىقتان، جەدەل جاردەم قىز­مەت­كەرلەرىمەن پروۆيزورلىق ورتا­­لىققا جەتكىزىلدى. دارىگەر­لەردىڭ تەكسەرۋىمەن بۇل ەكى ادامدا COVID جانە پنەۆمانيا بەلگىلەرى بولماعاندىقتان ۇيلەرىنە قاي­تارىلدى. جاڭاوزەن تەمىر جول ۆوك­زالىنان ءان-كۇيمەن، شاشۋمەن سالتاناتتى جاعدايدا قارسى العان ۇيىمداستىرۋشىلار دا، ورتاعا ورالعان باۋىرلار دا ءماز.

قانداستاردىڭ قالاۋى بويىنشا 66 ادامنان تۇراتىن 18 وتباسى جاڭاوزەن قالاسىنا، 105 ادامى بار 30 وتباسى اقتاۋ قالاسىنا، 53 مۇشەسى بار 14 وتباسى مۇنايلى اۋدانىنا قونىس تەپسە، 8 ادامى بار ءۇش وتباسى الماتى وبلىسىنا، 14 ادامى بار 5 وتباسى جامبىل وبلىسىنا قاراي كوش بەتىن بۇرماق.

«ەلگە ەل قوسىلسا – قۇت» دەگەندەي، قانداستاردىڭ اتاجۇرتقا ورالۋى – ولار ءۇشىن عانا ەمەس، ءبىز  ءۇشىن دە ۇلكەن قۋانىش.

 

ماڭعىستاۋ وبلىسى

 

سوڭعى جاڭالىقتار

وتانشىلدىق – تاۋەلسىزدىك تىرەگى

رۋحانيات • بۇگىن، 08:16

العىس ارقالاعان جاناشىر جاندار

مەديتسينا • بۇگىن، 08:01

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار