قازاقستان • 18 مامىر، 2021

Astana LRT ءىسى: كىم قانشا جىلعا سوتتالۋى مۇمكىن؟

7 رەت كورسەتىلدى

كۇنى كەشە اتىشۋلى Astana LRT ءىسى بويىنشا سوت وتىرىسى قايتا جالعاستى. نۇر-سۇلتاندا وتكەن سوت وتىرىسى كەزىندە وسى قىلمىستىق ءىس بويىنشا كۇدىككە ىلىنگەن ايىپتالۋشىعا قاتىستى تەرگەۋدىڭ اياقتالعانىن مالىمدەگەن پروكۋرور ولاردى 7-دەن 11 جىلعا دەيىن باس بوستاندىعىنان ايىرۋدى سۇرادى.

ءىرى قۇرىلىس كەزىندە 6 ملرد تەڭگەگە جۋىق قاراجاتتى جىمقىردى دەگەن ايىپ 7 ادامعا تاعىلعان بولاتىن. ولاردىڭ قاتارىندا: جولاۋشىلار كولىگى جانە اۆتوكولىك جولدارى باس­قار­ماسىنىڭ بۇرىنعى باستىعى راشيد امانجولوۆ، بۇرىنعى دەپۋتات ءارى ءماسليحات حاتشىسى جانات نۇرپەيى­سوۆ، Astana Innovations اق-تىڭ بۇرىن­عى باسشىسى تالعات ءاشىم، سونىمەن قاتار ءارتۇرلى كاسىپورىنداردىڭ قىزمەت­كەرلەرى ۇلىقبەك اچيلوۆ، تيمۋر قاساباەۆ، دۋلات مۇسەنوۆ پەن داۋرەن ابدىحاميتوۆ بار. ەندى وسى جەتەۋ 11 جىلعا دەيىن سوتتالۋى مۇمكىن.

تارقاتىپ ايتقاندا، پروكۋرور
دياس يانگالىشوۆ ايىپتالۋشى راشيد امانجولوۆتى 11 جىلعا باس بوستان­دىعىنان ايىرۋدى ۇسىنىپ، جانات نۇر­پەيىسوۆتى مۇلكىن تاركىلەپ، مەملەكەتتىك قىزمەتتە، جەرگىلىكتى ءوزىن ءوزى باسقارۋ ورگاندارىندا، ۇلتتىق بانك پەن ونىڭ ۆەدومستۆولارىندا، كۆازيمەملەكەتتىك ۇيىمداردا 5 جىل مەرزىمگە دەيىن لاۋازىمداردى اتقارۋعا تىيىم سالىپ، 9 جىلعا باس بوستاندىعىنان ايىرۋدى سۇراعان. سونىمەن قاتار نۇر-سۇلتان قالاسى ءماسليحاتىنىڭ بۇرىنعى دەپۋتاتىن «قۇرمەت» وردەنىنەن ايىرۋ ۇسىنىلدى. قۇزىرلى ورگان وكىلى Astana Innovations باسقارماسىنىڭ بۇرىنعى توراعاسى تالعات اشىمگە دە 11 جىل سۇرادى.

باسقا سوتتالۋشىلار – ۇلىقبەك ءاچيلوۆتىڭ مۇلكىن تاركىلەپ، ونى ورتاشا قاۋىپسىزدىك كولونياسىندا 11 جىلعا دەيىن باس بوستاندىعىنان ايىرۋدى، تيمۋر قاساباەۆتى ورتاشا قاۋىپسىزدىك كولونياسىندا 8 جىل باس بوستاندىعىنان ايىرۋدى، دۋلات مۇسەنوۆتى جەكە مۇلكىن تاركىلەپ، ورتاشا قاۋىپسىزدىك كولونياسىندا 7 جىلعا، داۋرەن ءابدىحاميتوۆتى دە مۇلكىن تاركىلەپ، ورتاشا قاۋىپسىزدىك كولونياسىندا 11 جىلعا دەيىن باس بوستاندىعىنان ايىرۋدى سۇرادى.

پروكۋرور سوت وتىرىسى كە­زىندە ر.امانجولوۆ پەن ج.نۇر­پەيى­سوۆتىڭ بۇل قىلمىستا ەرەكشە رولگە يە ەكەنىن ايتتى. ايتا كەتەيىك، ايىپ تاعىلعان 7 ادامنان بولەك تاعى ەكى كۇدىكتىگە «ين­تەر­پول» جەلىسى بويىنشا حالىق­ارالىق ىزدەۋ جاريالانعان بولا­تىن. ولار Astana LRT كومپا­نيا­سىنىڭ بۇرىنعى باسشىسى تالعات اردان جانە ەلوردا اكىمى­نىڭ بۇرىنعى ورىنباسارى قانات سۇلتانبەكوۆ.

پروكۋرور دياس يانگالى­شوۆ­تىڭ مالىمدەۋىنشە، قىلمىستىق كودەكستىڭ 52-بابى 2-بولىگىنىڭ تالاپتارىنا سايكەس، قىلمىس جاساعان ادامعا ونى تۇزەۋ، جاڭا قىلمىستاردىڭ الدىن الۋ ءۇشىن قاجەتتى جانە جەتكىلىكتى جازا تاعايىندالۋعا ءتيىس. «قىلمىستىق كودەكستىڭ وسى بابىنىڭ ءۇشىنشى بولىگىنە سايكەس جازا تاعايىنداۋ كەزىندە قىلمىستىڭ سيپاتى مەن قوعامدىق قاۋىپتىلىك دارەجەسى، كىنا­لىنىڭ جەكە باسى، ونىڭ ىشىن­دە قىلمىس جاساعانعا دەيىنگى جا­نە ودان كەيىنگى مىنەز-قۇل­قى، جاۋاپكەرشىلىك پەن جازا­نى جە­ڭىلدەتەتىن جانە اۋىرلا­تاتىن ءمان-جايلار، سونداي-اق تاعاي­ىن­دالعان جازانىڭ سوت­تالعان ادامدى تۇزەۋگە، ونىڭ وتباسىنىڭ جانە ونىڭ اسىراۋىنداعى ادامداردىڭ ءومىر ءسۇرۋ جاعدايلارىنا اسەرى ەسكەرىلەتىن بولادى»، دەدى ول.

سونداي-اق پروكۋرور «استانا LRT» جشس-ءنىڭ 5 ملرد تەڭگە كولە­­مىن­دەگى م ۇلىكتىك زياندى وتەۋگە قا­تىستى ازاماتتىق تالاپ­تى ۇلەس­تىك تارتىپپەن قاناعات­­تان­دىرۋدى، سونداي-اق سوتتالۋ­شىلاردان 4 ميل­ليون تەڭگە كو­لەمىندەگى پروتسەستىك شىعىنداردى ءوندىرىپ الۋدى سۇرادى.

ەستەرىڭىزدە بولسا، وتكەن جىل­دىڭ قازان ايىندا باستالعان Astana LRT ءىسى بويىنشا جەتى سوتتا­لۋشىعا جەڭىل رەلستى تراسسانى سالۋ كەزىندە 5،7 ملرد تەڭگەنى ۇرلا­دى دەگەن ايىپ تاعىلعان ەدى. ال 8 ەپيزودتان تۇراتىن قىل­مىستىق ءىس 155 تومعا جەتكەن.

سوڭعى جاڭالىقتار

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار