ونەر • 17 مامىر، 2021

تاتۋلىق پەن رۋحاني قۇندىلىقتاردى دارىپتەيتىن فوتوكورمە اشىلدى

47 رەت كورسەتىلدى

الماتىداعى ورتالىق  مۋزەيدە «يسلام جانە ادامزات: كەشە، بۇگىن، ەرتەڭ» اتتى حالىقارالىق فوتوكورمە اشىلدى. ەل تاۋەلسىزدىگىنىڭ 30 جىلدىعى اياسىندا وربىگەن ونەر جارمەڭكەسىن مادەنيەت وشاعى مەن كونفەسسياارالىق جانە وركەنيەتارالىق ديالوگتى دامىتۋ جونىندەگى ن. نازارباەۆ ورتالىعى بىرلەسە ۇيىمداستىردى.

فوتوكورمە قوعامداعى ادامي جانە رۋحاني قۇندىلىقتاردى دارىپتەۋگە، الەمنىڭ ءتۇرلى حالىقتارىنىڭ دىندەرى مەن مادەنيەتتەرىنە دەگەن تولەرانتتى دۇنيەتانىمدى نىعايتۋعا جانە ولاردىڭ ءبىر-بىرىنە قۇرمەتپەن قاراۋىن قالىپتاستىرۋعا باعىتتالعان. مۇنداعى بەيبىتشىلىك پەن كەلىسىمدى بەينەلەيتىن يسلامنىڭ رۋحاني قۇندىلىقتارىنىڭ تەرەڭدىگىن تانىتاتىن فوتوسۋرەتتەر، سونداي-اق ەكسپوزيتسيانى مەيلىنشە تولىقتىرعان قازاقستاننىڭ ورتالىق مەملەكەتتىك مۋزەيى ۇسىنعان يسلام تۋرالى بىرەگەي ارتەفاكتىلەر تاقىرىپتى اشا تۇسكەن. كورمەنىڭ اشىلۋ سالتاناتىنا قازاقستاننىڭ ءدىني بىرلەستىكتەرى مەن عىلىمي-ساراپشىلىق قوعامداستىقتىڭ وكىلدەرى قاتىستى.      

كورمەگە قويىلعان ەلۋ شاقتى سۋرەت يسلام ءدىنىنىڭ رۋحاني، مادەني، عىلىمي مۇراسىنان سىر شەرتەدى. مۇسىلمانداردىڭ كۇندەلىكتى ءومىرى بەينەلەنگەن بۇل تۋىندىلار حاق ءدىننىڭ تازالىعى تۋرالى تانىمدىق ماعلۇماتتار بەرەدى. ن.نازارباەۆ ورتالىعىنىڭ باسقارما توراعاسى فوتوكورمەگە كەلگەن قوناقتاردى قۇتتىقتاي وتىرىپ، تاۋەلسىزدىكتىڭ العاشقى كۇندەرىنەن باستاپ قازاقستان بارلىق ۇلت وكىلدەرى مەن  دىندەر بىرلىگى ماسەلەسى بويىنشا سىندارلى ديالوگقا ۇمتىلعانىن جانە الەمدە تولەرانتتىلىق يدەيالارىن ىلگەرىلەتۋگە بارلىق جاعىنان ىقپال ەتەتىنىن اتاپ ءوتتى.

بولات سارسەنباەۆ ءوز سوزىندە قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.نازارباەۆتىڭ كونفەسسياارالىق ديالوگتى نىعايتۋداعى، بىرەگەي حالىقارالىق ديالوگ الاڭى – الەمدىك جانە ءداستۇرلى دىندەر كوشباسشىلارىنىڭ سەزىن قۇرۋداعى ايرىقشا ءرولىن، سونىمەن قاتار مەملەكەت باسشىسى ق. توقاەۆتىڭ دىندەر مەن وركەنيەتتەر ديالوگىنىڭ جاھاندىق ورتالىعى رەتىندەگى قازاقستاننىڭ پوزيتسياسىن ناسيحاتتاۋداعى دايەكتى ساياساتىنا توقتالدى.          

«كورمەدەن بولەك، وسى تاقىرىپتى ارقاۋ ەتكەن حالىقارالىق ونلاين كونفەرەنتسيالار سالتانات قۇرادى. پارلامەنت سەناتى توراعاسى م. اشىمباەۆتىڭ باسشىلىعىمەن بيىلعى جىلى وتەتىن سەزد حاتشىلىعىنىڭ كەزەكتى XIX وتىرىسىنا دايىندىق جۇمىستارى ءجۇرىپ جاتىر.  وندا 7-ءشى الەمدىك جانە ءداستۇرلى دىندەر كوشباسشىلارى سەزىنىڭ تاقىرىپتارىن ايقىندايتىن بولامىز. كورمە قابىرعاسىنداعى ءار سۋرەت ءدىن مەن ءداستۇر ساباقتاستىعىنىڭ، ادامدار اراسىنداعى دوستىق پەن تاتۋلىقتىڭ تەرەڭ دىڭىنەن حابار بەرەدى. ءارتۇرلى كونفەسسيالار مەن دىندەردىڭ وكىلدەرىن ءبىر الاڭعا بىرىكتىرۋ ارقىلى ءبىز بەيبىتشىلىك، كەلىسىم جانە ىنتىماقتاستىق يدەيالارىن حالىقارالىق قوعامداستىقتا نىعايتۋعا جانە ىلگەرىلەتۋگە ءوز ۇلەسىمىزدى قوسا الاتىنىمىزعا سەنىمدىمىن»، دەيدى بولات سارسەنباەۆ.          

ءىس-شارادا مادەنيەتارالىق جانە دىنارالىق ديالوگ سالاسىن نىعايتۋ ماقساتىندا كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعى مەن قازاقستان رەسپۋبليكاسىنىڭ ورتالىق مەملەكەتتىك مۋزەيى اراسىندا ىنتىماقتاستىق تۋرالى مەموراندۋمعا قول قويىلدى. فوتوكورمە 2021 جىلدىڭ 1 ماۋسىمىنا دەيىن جالعاسادى.

سوڭعى جاڭالىقتار

«مەن قازاقشا سويلەيمىن»

ءبىلىم • بۇگىن، 09:37

كىتاپسىز دا دۇنيە بوس

پىكىر • بۇگىن، 09:33

جاس شەشەندەر سايىسى

وقيعا • بۇگىن، 09:29

ەل ەرتەڭىنە قامقورلىق كۇشەيەدى

باعدارلامالار • بۇگىن، 09:21

جاستارمەن جۇزدەسۋ

وقيعا • بۇگىن، 09:13

اۋىل بالالارىنىڭ ءۇمىتىن ۇكىلەيدى

باعدارلامالار • بۇگىن، 09:05

قانت ءوندىرىسىنىڭ قاۋقارى قانداي؟

ەكونوميكا • بۇگىن، 08:51

ىندەتپەن كۇرەستە ىركىلمەگەن مامان

كوروناۆيرۋس • بۇگىن، 08:34

ارمانىنا جەتكەن جان

رۋحانيات • بۇگىن، 08:30

وتانشىلدىق – تاۋەلسىزدىك تىرەگى

رۋحانيات • بۇگىن، 08:16

العىس ارقالاعان جاناشىر جاندار

مەديتسينا • بۇگىن، 08:01

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار