قوعام • 17 مامىر، 2021

ۇلتتىق ساناققا قاتىسۋدىڭ بىرنەشە جولى ۇسىنىلدى

14 رەت كورسەتىلدى

قازاقستاندىقتار ۇلتتىق ساناققا بىرنەشە جولمەن قاتىسا الادى، دەپ حابارلايدى Egemen.kz.

قر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنان ءمالىم ەتكەندەي، ساناققا ونلاين رەجيمدە قاتىسۋعا بولادى. ول 1 قىركۇيەك – 15 قازان ارالىعىندا sanaq.gov.kz سايتىندا جۇرگىزىلەدى.

جۇيە تاۋلىگىنە 24 ساعات بويى قولجەتىمدى. رەسپوندەنت ساناققا قاتىسۋ ءۇشىن وزىنە ىڭعايلى كەز كەلگەن ۋاقىتتى تاڭداي الادى. سونداي-اق سايتتا بلانكتى تولتىرۋدى توقتاتۋ جانە ونى تولتىرۋدى كەيىن قايتا جالعاستىرۋ مۇمكىندىگى جاسالادى. وففلاين قاتىسۋ 1-30 قازان ارالىعىندا وتكىزىلەدى.

ساناقتان ونلاين-رەجيمدە وتپەگەن رەسپوندەنتتەردىڭ ۇيلەرىنە ينتەرۆيۋەرلەر بارادى. ولار سۇراقتاردىڭ جاۋابىن پلانشەتتەرگە ەنگىزەدى.

سونىمەن قاتار egov.kz ەلەكتروندى ۇكىمەت پلاتفورماسىندا sanaq.gov.kz سايتىنىڭ قوسىمشا پاراعى ورنالاستىرىلادى. وندا ەلەكتروندى تسيفرلى قولتاڭبا (ەتسق) ارقىلى ساناققا قاتىسۋعا بولادى.

بۇدان بولەك، ۇلتتىق ساناق سۇراقتارىنا «Aitu» موبيلدىك قوسىمشاسىن جۇكتەۋ ارقىلى جاۋاپ بەرۋ مۇمكىندىگى جاسالادى.

ايتا كەتەيىك، ەلىمىزدە ۇلتتىق ساناق بيىل 1 قىركۇيەك پەن 30 قازان ارالىعىندا وتەدى. قازاقستاندىقتار بارلىعى 87 سۇراققا جاۋاپ بەرەدى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار