«قالىپتى ءومىر سالتىنا ورالۋ كۇنتىزبەسىن 17 مامىردان باستاپ جاريالايمىز. بۇل – ءبىزدىڭ ۇكىمەت وتىرىسىنىڭ كۇن تارتىبىندەگى ماڭىزدى ماسەلەلەردىڭ ءبىرى», دەدى رەجەپ تايىپ ەردوعان.
سونىمەن بىرگە پرەزيدەنت بيلىك جۇمىسىنا پاندەميانىڭ ايتارلىقتاي كەرى اسەر ەتكەنىن ايتىپ, جاقىن ارادا كەدەرگىلەردى جويۋعا ۋادە بەردى.
دەگەنمەن ر.ەردوعان قازىرگى ۋاقىتتا بەلگىلى ءبىر شەكتەۋلەردى جويۋدىڭ شارتتارى مەن مەرزىمىن ناقتىلاۋعا ىندەت مۇمكىندىك بەرمەي وتىرعانىن ايتتى.
ايتا كەتەيىك, تۇركيادا كوروناۆيرۋستى جۇقتىرعاندار سانىنىڭ كۇرت ءوسۋى ناۋرىز ايىندا باستالىپ, 16 ساۋىردە ەڭ جوعارى دەڭگەيگە جەتتى. وسى ۋاقىتتا ىندەتكە شالدىققانداردىڭ سانى 63 082-دەن اسىپ كەتكەن ەدى. وسىعان بايلانىستى تۇرىك بيلىگى 29 ءساۋىر مەن 17 مامىر ارالىعىندا ەلگە لوكداۋن ەنگىزدى.
