كۇنىنە 400 مىڭنان استام جاڭا ينفەكتسيا جۇقتىرعاندار مەن كۇنىنە 4 مىڭنان استام ادام ءولىمى, ناۋقاستارعا تولى اۋرۋحانالار, مايىتتەرگە تولى زيراتتار... 1,3 ملرد تۇرعىنى بار ءۇندىستاندا قازىرگى ۋاقىتتا كوروناۆيرۋستىق پاندەميانىڭ بەلگىلەرى كەز كەلگەن ۋاقىتتا جارىلاتىن بومبا تارىزدەس. وندا تۇرعىنداردىڭ ەڭ وسال توبى كوپ زارداپ شەگىپ وتىر. كورشىسىنە اۋىرتپالىقتى جەڭۋگە مەديتسينالىق جابدىقتار ۇسىنعان پاكىستاننان باستاپ, حالىقارالىق قوعامداستىق تاراپىنان وسى قيىن جاعدايعا بايلانىستى كومەك كورسەتۋ ءىسى ۇيىمداستىرىلۋدا. باسقا ايماقتاردان قولداۋ كورسەتىپ جاتقانداردىڭ ىشىندە قازاقستان دا بار. قازاقستان ۇندىستانعا كومەك رەتىندە 6 ميلليون حيرۋرگيالىق ماسكا, 400 مىڭ رەسپيراتور, وباعا قارسى 50 مىڭ كوستيۋم (ستەريلدى قورعانىس حالاتتارى) جانە 105 وكپەنى جاساندى تىنىستاندىرۋ اپپاراتىن جەتكىزىپ بەردى. بۇل قۇرالداردىڭ بارلىعى قازاقستاندا وندىرىلگەن.
ء«بىز ۇندىلىك دوستارىمىزبەن پاندەمياعا قارسى كۇش-جىگەرىمىزدى بىرىكتىرۋگە جانە ءبىزدىڭ ەلدەرىمىز اراسىنداعى بەرىك دوستىق پەن ءوزارا قولداۋ رۋحىندا بارلىق كومەك كورسەتۋگە دايىنبىز», دەدى قازاقستان پرەزيدەنتى قاسىم-جومارت توقاەۆ.
بۇل مالىمدەمە نۇر-سۇلتاننىڭ جاقىندا ورىن العان تاجىكستان – قىرعىزستان جانجالىنان كەيىن كورشى ەل – قىرعىزستانعا كومەك قولىن سوزعاننان سوڭ جاريالاندى. 2021 جىلعى ءساۋىردىڭ اياعىندا ەكى جاقتىڭ – تاجىكستان مەن قىرعىزستاننىڭ ۇرىس قيمىلدارى كەسىرىنەن 30-دان استام ادام قازا تاۋىپ, 120 ادام جاراقات الدى. قاقتىعىسقا ەكى ەل اراسىنداعى شەكارانىڭ ناقتىلانباۋى مەن سۋعا تالاس سەبەپ بولعان.
ەكى ەل – قازاقستان مەن قىرعىزستاندى بايلانىستىراتىن قۇندىلىقتاردى ەسكە تۇسىرە وتىرىپ, پرەزيدەنت قاسىم-جومارت توقاەۆ قىرعىزستانعا قازاقستاننان 10 مىڭ توننا ۇن جىبەرۋ ارقىلى گۋمانيتارلىق كومەك كورسەتتى. ء«بىز جايباراقات بولماۋىمىز كەرەك», دەگەن ول, سونىمەن بىرگە, ەگەر قاجەتتىلىك بولسا, قازاقستاندىق ارميانىڭ ارالاسۋى مۇمكىن ەكەنىن اتاپ ءوتتى.
حالىقارالىق ماسەلەلەرگە سەرگەك قارايتىن ءارى لايىقتى ءۇن قاتا بىلەتىن قازاقستان باسشىسى قانداي جاعدايدا دا ويلانباستان بىتىمگەرشىلىك باعىتىن قولداپ, ءوزارا كەلىسىم مەن ءوزارا كومەك كورسەتۋ ىسىنە جۇگىنىپ, وعان مۇقيات بولادى. مۇنى پرەزيدەنت ق.توقاەۆتىڭ ساياسي جانە كاسىبي بىلىمىمەن, مول تاجىريبەسىمەن تۇسىندىرۋگە بولادى.
ءوز ەلىندە ءار جىلداردا سىرتقى ىستەر ءمينيسترى, ۇكىمەت باسشىسى, سەنات توراعاسى سىندى جوعارى لاۋازىمدى قىزمەتتەر اتقارعان, 2019 جىلدىڭ ماۋسىمىندا قازاقستاننىڭ پرەزيدەنتى بولىپ سايلانعان ول بۇۇ باس حاتشىسىنىڭ ورىنباسارى, بۇۇ-نىڭ جەنەۆاداعى بولىمشەسىنىڭ باس ديرەكتورى جانە بۇۇ باس حاتشىسىنىڭ قارۋسىزداندىرۋ جونىندەگى كونفەرەنتسياداعى جەكە وكىلى, سونىمەن قاتار, قارۋسىزداندىرۋ جونىندەگى كونفەرەنتسيانىڭ باس حاتشىسى بولدى.
نۇر-سۇلتان – ديپلوماتيالىق استانا, ەۋروپالىق وداقتىڭ سەرىكتەسى
قازاقستاننىڭ ايماقتىق مەدياتور رولىنە دەگەن تابيعي بەيىمدىلىگى 1991 جىلى تاۋەلسىزدىك العاننان كەيىن, ناقتىلاي ايتقاندا, تاۋلى قاراباق كيكىلجىڭىندە ارااعايىندىق جاساعاننان كەيىن بايقالدى. قازاقستاننىڭ بۇل قادامىن فرانتسيا پرەزيدەنتى فرانسۋا ميتتەران قازاقستانعا 1993 جىلعى ساپارى كەزىندە وڭ باعالاپ, قۋاتتادى.
19 ميلليون حالقى بار, قىتاي, رەسەي جانە ەۋروپالىق وداق اراسىندا ستراتەگيالىق ماڭىزى زور بۇل مەملەكەت 2010 جىلى ەۋروپاداعى قاۋىپسىزدىك جانە ىنتىماقتاستىق ۇيىمىن (ەقىۇ) باسقارۋعا كىرىسكەننەن-اق ءوزىنىڭ جوعارى دەڭگەيىن كورسەتتى. قازاقستاننىڭ ەقىۇ-عا توراعالىعىنىڭ قورىتىندىسىندا بىرلەسكەن كەلىسىم – استانا دەكلاراتسياسىنا قول قويىلدى.
شانحاي ىنتىماقتاستىق ۇيىمىنا (شىۇ) مۇشە بولا وتىرىپ, قازاقستان 2014 جىلى قىرىم داعدارىسىندا ۇلكەن ءرول اتقاردى, بۇل كەزدە ەكس-پرەزيدەنت نۇرسۇلتان نازارباەۆ فرانسۋا وللاندتى رەسەيدى ەو-عا جاقىنداتۋ ءۇشىن ۆلاديمير پۋتينمەن كەزدەسۋگە كوندىردى.
2017 جىلى «استانا پروتسەسى» بارىسىندا سيريادا ءتورت اتىستى توقتاتۋ ايماعى قۇرىلدى. مۇنى كەپىلگەر مەملەكەتتەر – رەسەي, تۇركيا جانە يران مويىندادى. قازاقستان تاعى دا ءبىر جىلدان كەيىن سيريالىق ۇكىمەتتىڭ رەسمي وكىلدەرى مەن ۇكىمەتكە قارسى تاراپتى ءبىر ۇستەلدىڭ باسىنا وتىرعىزىپ, سيريا قاقتىعىسى بويىنشا كەلىسسوزدەردى قايتادان ۇيىمداستىردى.
2018 جىلى قازاقستان العاشقى مەديتسينالىق-سانيتارلىق كومەك تۋرالى دۇنيەجۇزىلىك دەكلاراتسياعا جانە تەرروريزممەن كۇرەس جونىندەگى كونفەسسياارالىق كەلىسىمگە قول قويۋىمەن ديپلوماتيالىق قاتىناستار سالاسىندا تاعى دا ەرەكشە كوزگە ءتۇستى.
ءوز تاۋەلسىزدىگى جىلدارى ىشىندە قازاقستان ىقپالدى پوزيتسياسىنىڭ ارقاسىندا ەۋروپالىق وداقتىڭ ارتىقشىلىقتى سەرىكتەسىنە اينالدى. قازاقستان مەن ەو اراسىندا 2018 جىلدىڭ باسىندا كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمگە قول قويىلدى.
قازاقستان – فرانتسيا بايلانىستارى, اسىرەسە ەكونوميكالىق ىنتىماقتاستىق, تۇراقتى دامۋ, قاۋىپسىزدىك جانە تەرروريزممەن كۇرەس سياقتى ماڭىزدى سالالاردا جوعارى دەڭگەيدە. فرانتسيا, سونداي-اق پاريجدەگى CAC40 بيرجاسىنىڭ سەنت-گوبەين, الستوم, دانونە, توتال, ورانو جانە باسقالارى سياقتى ءىرى توپتارى قاتىساتىن قازاقستاننىڭ بەس نەگىزگى ساۋدا جانە ينۆەستيتسيالىق سەرىكتەستەرىنىڭ ءبىرى بولىپ تابىلادى. جاڭا ساۋدا-ەكونوميكالىق جوبالاردى دامىتۋعا باعىتتالعان 2030 جىلعا دەيىنگى جول كارتاسىنا قول قويۋ ارقىلى فرانتسۋز-قازاق قاتىناستارى ودان ءارى نىعايا ءتۇسۋى قاجەت.
فرانتسيا پرەزيدەنتى ەممانۋەل ماكروننىڭ كوپتەن بەرى جوسپارلانعان, بىراق كوروناۆيرۋستىق پاندەمياعا بايلانىستى كەيىنگە قالدىرىلعان نۇر-سۇلتانعا ساپارى ەكى ەل اراسىنداعى جالپى مىندەتتەردى جۇزەگە اسىرۋدى جالعاستىرۋعا مۇمكىندىك بەرۋى ءتيىس.
رەداكتسيالىق ماقالا.
14 مامىر 2021 جىل.
