ايماقتار • 16 مامىر، 2021

الماتىدا ورتەنىپ جاتقان عيماراتتان جەتى ادام قۇتقارىلدى

12 رەت كورسەتىلدى

الماتى قالاسىندا ورتەنىپ جاتقان عيماراتتان جەتى ادام قۇتقارىلدى، دەپ حابارلايدى Egemen.kz قالالىق تجد سىلتەمە جاساپ.

توتەنشە جاعدايلار دەپارتامەنتىنىڭ مالىمەتىنشە، 16 مامىر كۇنى تاڭعى ساعات 05:52-دە «قاراسۋ» شاعىناۋدانىندا ءورت شىققانى تۋرالى حابار كەلىپ ءتۇستى. تجد كۇشتەرى وقيعا ورنىنا بىردەن جىبەرىلدى.ءورت شىققان جەرگە بارعان كەزدە ءۇش قاباتتى عيماراتتىڭ جەرتولەسى جانىپ جاتقانى انىقتالدى.

ءورت قاۋىپسىزدىگى ەرەجەلەرىنىڭ تالاپتارىن بۇزىپ، عيماراتقا تىعىز بەكىتىلگەن شاتىر استىندا اعاش، كارتون قوراپتارى جانە شكاف جيھازدارىنىڭ باسقا ەلەمەنتتەرى ساقتالعان.

ءورتتىڭ تەز تارالۋىنا جەرتولەدەگى جيھاز شەبەرحاناسىندا ءورت جۇكتەمەسى ىقپال ەتكەن. ءۇي-جايلاردا قويۋ ءتۇتىن پايدا بولىپ، ەۆاكۋاتسيا جولدارىن جاۋىپ تاستاعان. جالىن بۇكىل عيماراتتى شارپىدى.

گاز جانە تۇتىننەن قورعاۋ قىزمەتى بارلاۋ جانە ءسوندىرۋ كەزىندە ءورت ساتىسى ارقىلى شاتىردان التى ادامدى قۇتقاردى. التىنشى ادامدى ءورت سوندىرۋشىلەر ءتۇتىن شارپىعان ەڭ الىس بولمەدە ۇيىقتاپ جاتقان جەرىنەن وياتىپ العان.

ء«ورت شىققان جەرگە ءبىرىنشى بولىپ سول ماڭنان ءوتىپ بارا جاتقان الماتى قالاسى تجد قىزمەتكەرى جەتتى. قىزمەتتەن تىس ۋاقىتىنا قاراماستان الەكساندر چيستياكوۆ ادامداردى قۇتقارۋعا كىرىستى. ءبىرىنشى ءورت ءسوندىرۋ بولىمشەلەرى كەلگەنگە دەيىن، ول تاعى ءۇش كۋاگەرمەن بىرگە جەرتولە تەرەزەسىندەگى تەمىر توردى الىپ، ەر ادامنىڭ سىرتقا شىعۋىنا كومەكتەستى، سودان كەيىن ولار تەحنيكا وتۋىنە كەدەرگى كەلتىرىپ تۇرعان ماشينالاردى ەۆاكۋاتسيالادى. قۇتقارىلعان جەتى ادامعا دا جەدەل تۇردە قر تجم اپاتتار مەديتسيناسى ورتالىعىنىڭ بريگاداسى مەديتسينالىق-پسيحولوگيالىق كومەك كورسەتتى»، دەدى الماتى قالاسى توتەنشە جاعدايلار دەپارتامەنتىنەن.

قىزىل جالىندى اۋىزدىقتاۋعا جەكە قۇرامنان 41 ادام، 12 تەحنيكا جۇمىلدىرىلدى. ءورتتىڭ الدىن الا سەبەبى – ەلەكتر سىمدارىنىڭ تۇيىقتالۋى. ءورت قاۋىپسىزدىگى ەرەجەلەرىن ورەسكەل بۇزعانى ءۇشىن عيمارات يەسى قراقبتك 410-بابىنا سايكەس اكىمشىلىك جاۋاپقا تارتىلدى.

سوڭعى جاڭالىقتار

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار