فۋتبول • 16 مامىر، 2021

فۋتبولدان ەل چەمپيوناتىنىڭ 11 تۋر ويىندارى اياقتالدى

22 رەت كورسەتىلدى

فۋتبولدان قازاقستان چەمپيوناتىنىڭ 11 تۋر ويىندارى اياقتالدى. كەزەكتى كەزدەسۋىندە جەڭىسكە جەتكەن «استانا» 29 ۇپاي جيىپ، وزگە باسەكەلەستەرىنەن قارا ءۇزىپ كەتتى.

جۇما كۇنى ەلوردالىق فۋتبولشىلار تالدىقورعاننىڭ «جەتىسۋىن» قابىلدادى. كەزدەسۋدىڭ 4-مينۋتىندا مارين توماسوۆ مەرگەندىك تانىتتى – 1:0. وسى ەسەپ ماتچتىڭ سوڭىنا دەيىن ساقتالدى. وسىلايشا، «استانا» ءوزىنىڭ باستى قارسىلاستارىنان ءبىراز ۇپاي وزىپ، جارىس كەستەسىندە جەكە-دارا كوش باستاپ تۇر.

قاراعاندىنىڭ «شاحتەرى» مەن تۇركىستاننىڭ «تۇرانى» اراسىنداعى باسەكەنىڭ دە تاعدىرىن ءبىر عانا دوپ شەشتى. نۇر-سۇلتاندا وتكەن ويىندا تاڭات نوسەرباەۆ سوققان گولدىڭ ارقاسىندا وڭتۇستىكتەن كەلگەن جىگىتتەر جەڭىسكە جەتتى – 1:0.

ورالدىڭ «اقجايىعى» ءوز الاڭىندا الماتىنىڭ «قايراتىن» قابىلدادى. 53-مينۋتتا پاۆەل نازارەنكو نىسانانى ءدال كوزدەپ، جەرگىلىكتى جاپنكۇيەرلەردى قۋانتتى – 1:0. «اقتوبە» مەن قىزىلوردانىڭ «قايسارى» اراسىنداعى باسەكە 1:1 ەسەبىمەن تەڭ اياقتالدى.

سەنبى كۇنى تاعى دا ءۇش ويىنشى تاماشالادىق. پەتروپاۆلوۆسكىنىڭ «قىزىل-جارى» اقتاۋدىڭ «كاسپيىن» ۇتتى – 2:0. «اتىراۋ» «تارازدان» باسىم ءتۇستى – 1:0. ال «ورداباسى» مەن «توبىل» اراسىنداعى ماتچتا جەڭىمپاز انىقتالعان جوق – 1:1.   

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار