قوعام • 16 مامىر، 2021

ماڭعىستاۋ وبلىسىندا وڭالتۋ ورتالىعى بوي كوتەردى

182 رەت كورسەتىلدى

تاۋەلسىزدىكتىڭ 30 جىلدىعىنا وراي ماڭعىستاۋ وبلىسى اكىمدىگىنىڭ «ەل يگىلىگى ءۇشىن» جوباسى اياسىندا قاراقيا اۋدانىنداعى قۇرىق اۋىلىندا وڭالتۋ ورتالىعى اشىلدى، دەم حابارلايدى Egemen.kz

مۇندا جۇيكە جۇيەسى، بەل ومىرتقاسى اۋىراتىن، تىرەك-قيمىل اپپاراتى بۇزىلعان ناۋقاستارعا تەگىن قىزمەت كورسەتىلەدى. ول ءۇشىن تۇرعىندار مىندەتتى الەۋمەتتىك مەديتسينالىق ساقتاندىرۋ قورىنا ءوتىنىش جىبەرۋى قاجەت.

وڭالتۋ ورتالىعىنىڭ قۇرىلتايشىسى سامات مۇقانوۆتىڭ ايتۋىنشا، ناۋقاستاردى تۇزبەن، توقپەن، سۋمەن ەمدەۋگە بارلىق جاعداي جاسالعان. تىنىس الۋ، قيمىل-قوزعالىس، ماسساج كۋرستارى دا قاراستىرىلعان. «ماگنيتتىك ءورىس»، «تۇزدى شاحتا» بولمەلەرى بار.

1

«بىزدە 30-عا جۋىق مامان قىزمەت ەتەدى. قۇرىلعىلاردىڭ دەنى زاماناۋي سوڭعى ۇلگىدە شىققان. ماسەلەن، وسى ۋاقىتقا دەيىن جۇرەك-قان تامىرى، جۇيكە جۇيەسى، تىرەك-قيمىل اپپاراتى زاقىمدانعان ناۋقاستار باسقا قالالارعا قاتىناسا، ەندى اۋدانعا قاراستى اۋىل تۇرعىندارى الىسقا بارماي-اق، وسى ورتالىققا كەلىپ ەم الۋىنا مۇمكىندىك بار. ەمى قانشالىقتى ەرتە باستالسا، سونشالىقتى ناتيجەگە قول جەتكىزۋگە بولادى. مۇندا ءار ناۋقاستىڭ ەم الۋى كەزەڭ-كەزەڭىمەن جۇرگىزىلەدى»، دەيدى «اكسونمەد» وڭالتۋ ورتالىعىنىڭ قۇرىلتايشىسى سامات مۇقانوۆ.

1

ايتا كەتەيىك، الداعى ۋاقىتتا كەزەڭ بويىنشا 250 ادامعا شاقتالعان ورتالىقتىڭ 50 توسەك-ورنىن بالالارعا بەرۋ جوسپارلانىپ وتىر.

سوڭعى جاڭالىقتار

ۇقساس جاڭالىقتار