قوعام • 15 مامىر، 2021

سەمەيدە كارانتين شەكتەۋلەرىن بۇزعاندارعا ايىپپۇل سالىندى

30 رەت كورسەتىلدى

شىعىس قازاقستان وبلىسىندا كارانتين شەكتەۋلەرىن ساقتامايتىندار ءالى دە انىقتالىپ جاتىر، دەپ حابارلايدى Egemen.kz

وڭىردە ارنايى قۇرىلعان مونيتورينگتىك توپتار كارانتين تالاپتارىنىڭ ساقتالۋىن قاداعالاۋ ءۇشىن قوعامدىق كولىكتەردە، دۇكەندەردە، ءدارىحانالار مەن باسقا دا مەكەمەلەردە كۇن سايىن رەيد جۇرگىزۋدە.

«14 مامىر كۇنى سەمەي قالاسىندا 298 وبەكتى تەكسەرىلدى. وبلىستىڭ باس سانيتارلىق دارىگەرى بەلگىلەگەن شەكتەۋ شارالارىن بۇزۋدىڭ 5 فاكتىسى تىركەلدى. ناقتى ايتقاندا، ساۋدا ورىندارىندا، قوعامدىق تاماقتانۋ وبەكتىلەرىنە ماسكا رەجيمىن ساقتاماعاندار انىقتالدى. 379 210 تەڭگە سوماسىنا 3 حاتتاما تولتىرىلدى. سونداي-اق بۇرىن تىركەلگەن بۇزۋشىلىقتار بويىنشا 87 510 تەڭگە مولشەرىندە 2 ايىپپۇل ءوندىرىلدى»، دەلىنگەن شقو اقپارات ورتالىعى تاراتقان مالىمەتتە.

كۋرچاتوۆ قالاسىندا تەكسەرۋ بارىسىندا 29 نىسان قامتىلعان. ال بەسقاراعاي اۋدانىندا 21 وبەكتى تەكسەرىلدى. كارانتين تالاپتارىن بۇزۋ فاكتىلەرى تىركەلگەن جوق.

ودان وزگە، ءۇرجار، اباي، شەمونايحا، كۇرشىم، زايسان جانە اياگوز اۋداندارىندا رەيدتەر جۇرگىزىلگەنىمەن، بۇزۋشىلىقتار انىقتالعان جوق.

 

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار