قازاقستان • 15 مامىر، 2021

«شاعالا» ۇشقىشسىز ۇشۋ اپپاراتى سىناقتان ءساتتى ءوتتى

22 رەت كورسەتىلدى

نۇر-سۇلتان قالاسىنىڭ ماڭىندا وتاندىق ءونىم «شاعالا» بارلاۋ ۇشقىشسىز ۇشۋ اۆياتسيالىق كەشەنىنىڭ دالالىق سىناقتارى ءوتتى، دەپ حابارلايدى Egemen.kz قورعانىس مينيسترلىگىنە سىلتەمە جاساپ.

اتالعان قۇرىلعىنى قورعانىس مينيسترلىگىنىڭ تاپسىرىسىمەن قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىنىڭ اسكەري عالىمدارى ازىرلەدى.

قازىرگى ۋاقىتتا بۇل اپپارات سىناقتاردىڭ سوڭعى ساتىسىنان ءوتىپ جاتىر. ول ءتۇرلى اۋا رايى مەن اركەلكى جەر جاعدايلارىندا بىرنەشە رەت سىنالىپ، جاقسى ناتيجە كورسەتتى.

«شاعالا» ۇشۋ اپپاراتىنان، جەر ءۇستى سەگمەنتىنەن تۇرادى جانە سوڭعى ۇلگىدەگى تەحنولوگيامەن جابدىقتالعان جۇيە. بۇل قازاقستاندىق اسكەري عالىمدار تولىق شىعارعان العاشقى جوعارى تەحنولوگيالىق ءونىم. جەكە باعدارلامالىق جاساقتاماسى – ونىڭ باستى ەرەكشەلىگى بولىپ تابىلادى. اپپاراتتىڭ بىرنەشە قورعانىس دەڭگەيى بار. بۇل ءبىز دايىنداعان ءونى»، دەپ اتاپ ءوتتى ۇلتتىق قورعانىس ۋنيۆەرسيتەتىنىڭ باستىعى گەنەرال-لەيتەنانت سۇلتان قامالەتدينوۆ.

ۇشقىشسىز ۇشۋ اپپاراتى باعىت بويىنشا ۇشۋدا، جەردەگى وبەكتىلەردەن اقپارات الىپ، ونى وپەراتورعا جەتكىزەدى. بارلاۋ اۆياتسيالىق كەشەنىنىڭ ۇشۋ قاشىقتىعى – 30 شاقىرىم، بارىنشا جىلدامدىعى – ساعاتىنا 110 شاقىرىم، تەڭىز دەڭگەيىندە ەڭ بيىك ۇشۋى – 3500 مەتر. اۋەدە ەكى ساعات بولىپ، جەل سەكۋندىنا 14 مەترگە دەيىن كۇشەيگەن كەزدە بەرىكتىگىن ساقتايدى. بۇل قۇرىلعى وتاندىق باعدارلامالىق-اپپاراتتىق بايلانىس ارناسىمەن، سونىمەن قاتار كريپتوگرافيكالىق حاتتامامەن جابدىقتالعان.

«شاعالا» ۇشقىشسىز ۇشۋ قۇرىلعىسى تەحنيكالىق سيپاتتاماسى جاعىنان شەتەلدىك قۇرىلعىلاردان كەم تۇسپەيدى، سونىمەن قوسا ونىڭ باعاسى شەتەلدىك ۇلگىلەردەن ايتارلىقتاي تومەن.

قورعانىس ءمينيسترى گەنەرال-لەيتەنانت نۇرلان ەرمەكباەۆ سىناقتى باقىلادى. ول «شاعالانىڭ» قازىرگى تاڭدا قازاقستاندا اسكەرلەردىڭ وقۋ-جاتتىعۋ كەزىندە پايدالاناتىن بارلاۋ-اتۋ جانە بارلاۋ-سوققى بەرۋ كەشەنىنە اينالاتىن ەلەمەنتتەردىڭ ءبىرى بولۋى مۇمكىن ەكەنىن اتاپ ءوتتى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار