الەم • 15 مامىر، 2021

مارسقا قىتايلىق عارىش كەمەسى ءساتتى قوندى

63 رەت كورسەتىلدى

بۇل تۋرالى سينحۋا اگەنتتىگى قىتايدىڭ ۇلتتىق عارىش باسقارماسىنا سىلتەمە جاساپ مالىمدەدى، دەپ حابارلايدى Egemen.kz ريا نوۆوستيگە سىلتەمە جاساپ·

«تيانۆەن-1» اپپاراتى 15 مامىردا قىتايدىڭ مارستى زەرتتەۋ جونىندەگى ءبىرىنشى ميسسياسى اياسىندا پلانەتادا الدىن الا تاڭدالعان ۋتوپيا جازىعىنىڭ وڭتۇستىك بولىگىنە ءساتتى قوندى»، دەپ حابارلادى اگەنتتىك وكىلدەرى.

وربيتالىق مودۋلدەن، قونۋ كاپسۋلاسىنان جانە روۆەردەن تۇراتىن مارستى زەرتتەۋگە ارنالعان العاشقى قىتايلىق «تيانۆەن-1» عارىش كەمەسى 2020 جىلدىڭ 23 شىلدەسىندە حاينان ارالىنداعى ۆەنچان عارىش ايلاعىنان ۇشىرىلدى. ول اقپاننىڭ سوڭىندا مارستىڭ وربيتاسىنا كىردى. ميسسيا ءساتتى بولعان جاعدايدا، اپپارات الىنعان مالىمەتتەردى بيىل جەرگە جىبەرەدى.

اپپارات سەنبىدە بەيجىڭ ۋاقىتى بويىنشا ساعات 1.00-دە (نۇر-سۇلتان ۋاقىتى بويىنشا جۇمادا، ساعات 23.00-دە) كۇتۋ وربيتاسىنان تۇسكەنى ناقتىلاندى. بەيجىڭ ۋاقىتىمەن 4.00-دە اپپارات وربيتالىق مودۋلدەن ءبولىندى، شامامەن 3 ساعات ۇشۋدان كەيىن مارس اتموسفەراسىنا كىرىپ، 9 مينۋتتان سوڭ زوند ساعات 7.18-دە (نۇر-سۇلتان ۋاقىتى بويىنشا 5.18) ءساتتى قوندى.

ميسسيا ءساتتى وتسە، عالىمدار مارستاعى اتموسفەرانى، جەر بەدەرىن، گەولوگيالىق سيپاتتامالارىن، پلانەتانىڭ ماگنيت ءورىسىنىڭ ەرەكشەلىكتەرىن زەرتتەي الادى، بۇل مارستىڭ جانە بۇكىل كۇن جۇيەسىنىڭ پايدا بولۋى مەن ەۆوليۋتسياسىن اشاتىن كىلتتى تابۋعا كومەكتەسەدى.

دەگەنمەن، ميسسيانىڭ باستى ماقساتى – مارستا ءومىر بەلگىلەرىن تابۋ، سونىمەن قاتار عالىمدارعا بولاشاقتا بۇل عالامشارداعى جاعدايلار ادام ومىرىنە قولايلى بولاتىنداي وزگەرە الا ما دەگەن سۇراققا جاۋاپ ىزدەيدى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار