ۇيىمداستىرۋ كوميتەتىنىڭ قۇرامىنا پارلامەنت سەناتىنىڭ دەپۋتاتى, قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەلەرى, ءوڭىر اكىمدەرىنىڭ ورىنباسارلارى, مينيسترلىك وكىلدەرى, بۇقارالىق اقپارات قۇرالدارى, ۇەۇ-دار, بەلگىلى قوعام قايراتكەرلەرى كىرەدى.
اقپاراتتىق دامۋ ءمينيسترى ا.بالاەۆا, ادامگەرشىلىك قۇندىلىقتاردى جاڭعىرتۋعا جانە وتباسى مارتەبەسىن ارتتىرۋعا باعىتتالعان ۇلتتىق كونكۋرستىڭ ەرەكشەلىگى مەن ماڭىزدىلىعىن اتاپ ءوتتى.
«جىلداعى داستۇرمەن بيىل دا «مەرەيلى وتباسى» ۇلتتىق كونكۋرسىن باستاعالى وتىرمىز. ەلباسىنىڭ ۇسىنىسىمەن قولعا العان جوبا – بۇگىندە ناعىز حالىقتىق مەرەكەگە اينالدى. جىل سايىن بۇل جوباعا حالىقتىڭ ۇلكەن قىزىعۋشىلىقپەن قاتىسىپ جۇرگەنىن كورىپ وتىرمىز. جوبا باستالعاننان بەرى بۇگىنگە دەيىن ەلىمىزدىڭ 15 مىڭنان استام جانۇياسى وسى بايقاۋعا قاتىستى. مۇنىڭ ءوزى – ءبىزدىڭ قوعامعا وتباسى قۇندىلىعىن دارىپتەيتىن, ۇلگى كورسەتەتىن ەرەكشە جوباعا اينالعانىن كورسەتەدى دەپ بىلەمىن», دەدى ا.بالاەۆا.
سونداي-اق, شارا بارىسىندا بايقاۋدى وتكىزۋدىڭ جاڭا وزگەرىستەرى تۋرالى ايتىلدى. «بۇرىن رەسپۋبليكالىق دەڭگەيدە ءبىر عانا وتباسى جەڭىمپاز بولاتىن. اعىمداعى جىلدان باستاپ وڭىرلىك دەڭگەيدە جەڭىمپاز اتانعان 17 وتباسىنىڭ بارلىعىنا دا كونكۋرس لاۋرەاتى اتاعى بەرىلىپ, بىردەي ماراپاتتالاتىن بولادى», دەپ اتاپ ءوتتى ا.بالاەۆا.
سونىمەن قاتار بيىل كونكۋرس ناتيجەسى بويىنشا ماراپاتتاۋ قۇرامىنا ازاماتتىق قوعام وكىلدەرى عانا ەمەس, كونكۋرستىڭ بۇرىنعى جەڭىمپازدارى دا قاتىسادى. جەڭىمپازداردى انىقتاۋ مەن باعالاۋ بويىنشا باللدىق جۇيەگە جاڭا شارتتىق وزگەرىستەر ەنگىزىلگەن.
ەسكە سالا كەتەيىك, «مەرەيلى وتباسى» ۇلتتىق بايقاۋىنا قۇجاتتار قابىلداۋ 15 ماۋسىمعا دەيىن جالعاسادى.
بايقاۋ لاۋرەاتتارىن ماراپاتتاۋ ءراسىمى جىل سايىنعىداي قىركۇيەك ايىندا, وتباسى كۇنى قارساڭىندا سالتاناتتى تۇردە وتكىزىلەدى.
