پاۆلودار وبلىسى ماي اۋدانى مالايسارى اۋىلىنداعى ماي توپتىق سۋ قۇبىرى سۋ تازارتۋ ستانتسياسىنىڭ رەزۋارلارى تولىقتاي تازارتىلدى.
ەسكە سالا كەتەيىك, اتالعان اۋىل تۇرعىندارى اۋىز سۋدا ەرەكشە ءدام بار دەپ باق وكىلدەرىنە شاعىمدانعان بولاتىن. وسى ماسەلە بويىنشا, سۋ رەسۋرستار كوميتەتىنىڭ وكىلدەرى جۇمىس ساپارىمەن اتالعان اۋىلعا باردى. وندا جەرگىلىكتى تۇرعىندارمەن كەزدەسىپ, دالالىق جۇرمەلى جيىن وتكەن بولاتىن. جيىن قورىتىندىسىمەن, سالا كوميتەتى اۋىل بەلسەندىلەرىن تارتا وتىرىپ رەزۋارلاردى تازارتۋ جونىندە شەشىمگە كەلدى. قازىر وسى ماسەلە بويىنشا جۇمىستار تولىقتاي جۇرگىزىلدى.
«سۋ ايداۋ ستانتسياسىندا ەكى رەزۋارداعى سۋدى تۇگەلدەي اعىزىپ, گيپوحلوريتپەن تازالادىق. سودان كەيىن تۇرعىنداردىڭ وزدەرىن قاتىستىرا وتىرىپ ءتاۋلسىز كوميسسيا قۇرىلدى. ولار تازارتۋ بارىسىن تەكسەرىپ, وڭ باعاسىن بەردى», دەدىى «ماي-سەرۆيس» مقك-نىڭ ديرەكتورى سەرىك قۇسايىنوۆ.
