تۋريزم • 14 مامىر، 2021

بيىل تۋريزم سالاسىندا 100-دەن اسا ءىس-شارا ۇيىمداستىرىلادى

29 رەت كورسەتىلدى

ەل تاۋەلسىزدىگىنىڭ 30 جىلدىعى اياسىندا تۋريزم سالاسىندا رەسپۋبليكالىق جانە وڭىرلىك دەڭگەيدە 100-دەن استام ءىس-شارا ۇيىمداستىرۋدى جوسپارلاندى. بۇل تۋرالى ورتالىق كوممۋنيكاتسيالار قىزمەتى الاڭىندا وتكەن مادەنيەت جانە سپورت ءمينيسترى اقتوتى رايىمقۇلوۆانىڭ حالىق الدىنداعى ەسەپتىك كەزدەسۋىندە ايتىلدى، دەپ حابارلايدى Egemen.kz.

ونىڭ ايتۋىنشا، تۋريستىك نارىقتىڭ قىزمەتىن ودان ءارى ىنتالاندىرۋ بويىنشا زاڭنامالىق اكتىلەر قابىلدانىپ، كورسەتىلەتىن قىزمەتتەر جەلىسى ۇلعايتىلدى. ينفراقۇرىلىمدى دامىتۋ مەن ينۆەستيتسيالىق تارتىمدىلىقتى ارتتىرۋ ءۇشىن بارلىق جاعدايلار جاسالۋدا.

«بۇگىندە مادەنيەت، ادەت-عۇرىپپەن داستۇرلەردى ناسيحاتتاۋعا باعىتتالعان ەتنو-تۋريزم ەرەكشە وزەكتىلىك پەن تانىمالدىلىققا يە. وسى باعىتتا ماۋسىم-قىركۇيەك ايلارىندا الماتى قالاسىنىڭ تۋريستىك ورىندارىندا قولونەرشىلەردىڭ قاتىسۋىمەن « ۇلى دالا مۇراسى» جارمەڭكەسىن وتكىزۋ جوسپارلانىپ وتىر. الماتى قالاسىندا ۇلتتىق تاعامدار مەن قازاقستان حالىقتارىنىڭ تاعامدارىن تانىمال ەتۋ ماقساتىندا «Kok bazar Fest»، اقتوبە وبلىسىندا «كوشپەندىلەر (نوماد) مۇراسى»، شىعىس قازاقستان وبلىسىندا BUQTYRMA FEST سياقتى ءار وڭىرگە ءتان فەستيۆالدەردى وتكىزۋ كوزدەلگەن. كيەلى ءتۋريزمدى دامىتۋدى ىنتالاندىرۋ جانە تاريحي-مادەني وبەكتىلەرگە تۋريستىك قىزىعۋشىلىقتى ارتتىرۋ ماقساتىندا 2021 جىلدىڭ ماۋسىم ايىنىڭ سوڭىنا دەيىن قاراعاندى وبلىسىنىڭ ۇلىتاۋ اۋدانىندا «جوشى حان» تاريحي-مادەني كەشەنىن اشۋ، شىلدە ايىندا شىعىس قازاقستان وبلىسىندا «اباي جولىمەن» اقپاراتتىق تۋرى جانە تاعى باسقا ءىس-شارالار وتكىزىلەدى»، دەدى ۆەدومستۆو باسشىسى. 

سونىمەن قاتار تاۋەلسىزدىكتىڭ 30 جىلدىعىنا وراي قازاقستاننىڭ قولدانىستاعى تۋريستىك ونىمدەرىنىڭ ءتىزىمىن قالىپتاستىرۋ ماقساتىندا ەلدىڭ بىرەگەي تاريحي-مادەني جانە تابيعي كورىكتى جەرلەرىن قامتيتىن 30 جاڭا ترانسۇلتتىق جانە وڭىرلىك تۋريستىك ونىمدەردى ازىرلەۋ بويىنشا جوبا ىسكە اسىرىلادى. ونىڭ قاتارىندا ۇلى جىبەك جولى بويىندا ترانسۇلتتىق مارشرۋتتاردى قۇرۋ جانە قازاقستاننىڭ توپ-10 تۋريستىك دەستيناتسياسى بار.

«ۇلتتىق جانە حالىقارالىق دەڭگەيدە ەلىمىزدىڭ تۋريستىك الەۋەتىن ودان ءارى ىلگەرىلەتۋ ماقساتىندا قازاقستاننىڭ 30 تۋريستىك ونىمدەرىنىڭ كاتالوگى قۇرىلادى. قازاقستاننىڭ تۋريستىك مۇمكىندىكتەرى مەن الەۋەتىن شەتەلدىك اۋديتورياعا تانىستىرۋ ماقساتىندا الماتى قالاسىنا الەمنىڭ 30 ەلىنەن كەلگەن 150 ءجۋرناليستىڭ قاتىسۋىمەن حالىقارالىق شاڭعىشى جۋرناليستەر كلۋبىنىڭ (SCIJ) جىل سايىنعى كەزدەسۋى ۇيىمداستىرىلادى. تۋريزم سالاسىندا جوسپارلانعان 30 زاكىرلى ينۆەستيتسيالىق جوبانى ىسكە اسىرۋ جوسپارلانىپ وتىر»، دەدى مينيستر.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار