وقيعا • 14 مامىر، 2021

الماتى وبلىسىندا ەكى ايەل ءجاسوسپىرىمدى اياۋسىز ۇرعان

115 رەت كورسەتىلدى

الماتى وبلىسىندا ايالدامادا تۇرعان 16 جاستاعى قىزدى ەكى ايەل ۇرىپ كەتكەن، دەپ حابارلايدى Egemen.kz.

جابىرلەنۋشىنىڭ فوتوسۋرەتى الەۋمەتتىك جەلىدە تاراپ جاتىر. اتالعان وقيعا بورالداي اۋىلىنداعى ساحارنىي ايالداماسىندا كەشكى ۋاقىتتا بولعان.

كامەلەتكە تولماعان قىزدىڭ اناسى وقيعانى كورگەن كۋاگەرلەردىڭ از ەمەستىگىن ايتادى. قازىرگى تاڭدا كۋاگەرلەر ىزدەستىرىلىپ جاتىر.

الماتى وبلىسىنىڭ پوليتسيا دەپارتامەنتى وقيعا 13 مامىر كۇنى كەشكى ساعات 18.35 شاماسىندا بورالداي اۋىلىنداعى كوسموناۆتتار كوشەسىندەگى ايالدامادا بولعانىن حابارلادى.

«الدىن الا مالىمەتتەر بويىنشا، جانجال سالدارىنان ەكى ايەل كامەلەتكە تولماعان قىزدى ۇرىپ تاستاعان، سودان كەيىن ولار قىلمىس بولعان جەردەن تاكسيمەن قاشىپ كەتكەن. 16 جاستاعى جابىرلەنۋشى №1 قالالىق بالالار اۋرۋحاناسىنا جەتكىزىلدى. كۇدىكتىلەردىڭ تۇرعىلىقتى جەرىن انىقتاۋ جانە ولاردى ودان ءارى ۇستاۋ بويىنشا جەدەل ىزدەستىرۋ شارالارى جۇرگىزىلۋدە»، دەيدى ءتارتىپ ساقشىلارى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار