حوككەي • 14 مامىر، 2021

«بارىستىڭ» العاشقى ترانسفەرى

49 رەت كورسەتىلدى

قۇرلىقتىق حوككەي ليگاسىندا (قحل) ونەر كورسەتەتىن ەلوردانىڭ «بارىس» كلۋ­بى ماۋسىمارالىق ۇزىلىستەگى العاش­قى ترانسفەرىن جاسادى.

كلۋبتىڭ ءباسپاسوز قىزمەتى حابارلاعانداي، ەلوردالىق ۇجىمنىڭ قاتارى شۆەتسيالىق قورعاۋشى ەريك مارتينسسونمەن تولىقتى. 28 جاستاعى حوككەيشى بۇكىل مانسابىندا ءوز ەلىنىڭ كوماندالارىندا ويناپ، ەكى مارتە شۆەتسيا چەمپيوناتىندا جەڭىمپاز اتانعان. بىلتىرعى ماۋسىمدى ەريك شۆەتسيانىڭ  ەلي­تالى سەرياسىندا باق سىنايتىن «HV71» كو­مانداسىندا وتكىزدى. 56 ويىندا مۇزاي­دىنعا شىققان ول 37 (5+32) ۇپاي جيناپ، قور­عاۋشىلار اراسىندا ەڭ كوپ شايبا سوققان جانە ۇزدىك ناتيجەلى پاس اسىرعان ويىنشى بولدى. ە.مارتينسسون الداعى ءبىر ماۋسىم «بارىستىڭ» نامىسىن قورعايدى.

ايتا كەتەيىك، ماۋسىمارالىق ۇزىلىستە ازىرگە «بارىس» ساپىنان 7 حوككەيشى كەتتى. اتاپ ايتار بولساق، قاقپاشى سەرگەي كۋدرياۆ­تسەۆ، قورعاۋشىلار دجەسسي بلەكەر، ديللون حەتەرينگتون، الەكس لينتۋنيەمي، الەكسەي ماكليۋكوۆ جانە شابۋىلشىلار لينۋس ۆيدەلل مەن پاۆەل اكولزين كەلەسى ماۋسىمدى وزگە كلۋبتاردا وتكىزەدى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار