رۋحانيات • 14 مامىر، 2021

جۋرناليست قاسىم

36 رەت كورسەتىلدى

مەنىڭ نەگىزگى ماماندىعىم، كاسىبىم – ادام بالاسىنىڭ مىنەزىن زەرتتەۋ. اركىمنىڭ مىنەزى ءار ىسىندە ءىزىن قالدىراتىنى عىلىمي تۇرعىدان تولىق دالەلدەنگەن. سول سەبەپتى، مەن ءوز زەرتتەۋىمنىڭ اۋەل باسىنان ەڭ الدىمەن قاسىم امانجولوۆتىڭ سەمەيدەگى، ورالداعى، الماتىداعى ورتاسىن انىقتاپ الۋدى ۇيعاردىم.

بيىل قاڭتاردا ورالدا ارحيۆتە بولىپ، قاسىمنىڭ 1933-1936 جىلعى تىرشىلىگىنەن ءبى­راز دەرەك تاپتىم. ال بيىل ناۋ­رىزدىڭ سوڭ­عى ءۇش كۇنىندە الماتى قالاسىندا قاسىم امان­جولوۆتىڭ 1931 جىلى «قى­­زىل اسكەر» گازەتىندە ادە­بيەت قىز­مەتشىسى بولىپ قىزمەت ەتكەندىگىن دالەلدەيتىن دەرەككە جولىقتىم.

«قىزىل اسكەر» گازەتى 1929-1936 جىلدارى سول كەز­دەگى قا­زاقستان سوعىس كو­ميس­­­­سارياتىنىڭ، ول­كە­لىك وساۆياحيم كە­ڭەسى­نىڭ، «ەڭ­بەكشى قا­زاق» باسقار­ما­سىنىڭ جەتىلىك گازەتى رەتىندە شىعىپ تۇرعان. وزىڭىزگە بەل­گىلى، «Egemen Qazaqstan» گا­زەتىنىڭ ارعى تاريحى «ەڭ­بەك­شى قازاق» باسىلىنان باس­­تاۋ العاندىقتان قاسىم اقىن­دى دا «ەگەمەندىكتەرگە» جاتقىزۋعا زاڭدى نەگىز بار دەپ ويلايمىن. قاسىم ورال قالاسىندا دا، الماتىدان كەلىپ «ەكپىندى قۇرىلىس» گازەتىندە جۋرناليست بولىپ قىزمەت ەتكەن. سونىمەن قاسىم اقىن عانا ەمەس، سونىمەن قاتار گازەتتەردە قىزمەت اتقارعان كاسىبي جۋرناليست. الداعى ۋا­قىتتا، قۇداي قالاسا، سەمەي قالاسىنا جول تارتپاقپىن. ويتكەنى قاسىم 1922 جىلى قارقارالىدان «قىزىل كەرۋەنگە» ەرىپ سەمەيگە كەلدى دە، شامامەن 1930 جىلدىڭ مامىرىندا الماتىعا اتتانعان عوي. مەن، قاسىمنىڭ سەمەيدەگى سەگىز جىلدىق ورتاسى وت جۇرەكتى اقىننىڭ سىر ساندىعىن تولىق اشىپ بەرەرىنە كامىل سەنەمىن.

 ال تومەندە وقىرمان نازارىنا قاسىم امانجولوۆتىڭ «قىزىل اسكەر» گازەتىندە قىزمەت ىستەگەن كەزەڭىندە تۇسىرىلگەن سۋرەتتى ۇسىنىپ وتىرمىن.

«قىزىل اسكەر» گازەتىنىڭ رەداكتسيا قۇرامى: جاۋاپتى رەداكتور كارىم ابدراحمانوۆ; جاۋاپتى حاتشىسى سارى قاز­بەك ۇلى; ادەبيەت قىزمەتشىسى اح­مەت اب­دولدا ۇلى; ادە­بيەت قىز­مەت­شىسى قاسىم امان­جول ۇلى.

 

مارات ازبانباەۆ

 

قاراعاندى

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار