كوكتەمگى-جازعى ءورت قاۋپى كەزەڭىنىڭ باستالىسىمەن دەپارتامەنتتىڭ 12 ءورت ءسوندىرۋ ءبولىمى, جەكە قۇرامنىڭ 1700 ادامى, نەگىزگى, ارنايى جانە قوسالقى تەحنيكانىڭ 150 بىرلىگى ءورتتىڭ الدىن الۋ جانە جويۋ ماقساتىندا دايىن تۇر.
سونىمەن قاتار ءورت ءسوندىرۋ قىزمەتى كوكتەمگى ءورت گيدرانتتارىن تەكسەرۋدى تولىق قارقىنمەن جۇرگىزۋدە, بۇل نۇر-سۇلتان قالاسىنىڭ اۋماعىندا ءورتتى ۋاقىتىلى ءسوندىرۋدى قامتاماسىز ەتۋگە مۇمكىندىك بەرەدى.
ازاماتتىق قورعاۋ ورگاندارىنىڭ ءبىرىنشى كەزەكتەگى مىندەتى توتەنشە جاعدايلاردىڭ الدىن الۋ بولىپ سانالادى, وسىعان بايلانىستى ء"ورتتىڭ الدىن الۋ وڭاي!" اتتى نۇر-سۇلتان قالاسى توتەنشە جاعدايلار دەپارتامەنتىمەن وسى جىلدىڭ ءساۋىر ايىنان باستاپ جەكە اۋلالاردا كەڭ اۋقىمدا جۇمىس جۇرگىزىلۋدە. وندا ءار دەمالىس سايىن ازاماتتىق قورعاۋ ورگاندارىنىڭ قىزمەتكەرلەرى جەرگىلىكتى پوليتسيا قىزمەتىمەن, ۆولونتەرلەرمەن, اكىمدىك قىزمەتكەرلەرىمەن بىرلەسىپ, ازاماتتارعا ءۇي جانىنداعى ۋچاسكەلەردى جيناۋ كەزىندە ءورت قاۋىپسىزدىگى قاعيدالارىن جانە قۇرعاق وسىمدىكتەردى ورتەۋگە تىيىم سالۋدى, ەلەكتر جەلىلەرىن ۇيلەردە جارامدى كۇيدە ۇستاۋدى تۇسىندىرە وتىرىپ, رەيدتىك ارالاۋ جۇرگىزەدى. وسىعان ۇقساس جۇمىس 1 مامىردان باستاپ ەلوردانىڭ ساياجاي القاپتارىندا دا باستالۋدا. ول قاۋىپتى كەزەڭ بويى جۇرگىزىلەتىن بولادى.
ورمان شارۋاشىلىعى مەكەمەلەرىمەن جاسىل بەلدەۋدى جانە ىرگەلەس ەلدى مەكەندەردى پاترۋلدەۋ بويىنشا جۇرگىزىلىپ جاتقان بىرلەسكەن جۇمىستى دا نازاردان تىس قالدىرمايمىز. بۇل دەرەۋ دەن قويۋعا جانە ءورتتى ءسوندىرۋ بويىنشا جۇمىستى جەدەل جۇرگىزۋگە مۇمكىندىك بەرەدى.
قۇتقارۋشىلار قۋراعان شوپتەردى ۋاقىتىلى جيناۋ جانە شابۋ, ساياجاي قوعامدارىندا جىرتۋ, وندىرىستىك نىسانداردىڭ اينالاسىندا ءورتتىڭ تارالۋ جانە ونىڭ پايدا بولۋ قاۋپىن ازايتاتىنىن ەسكە سالادى.
ءورت پەن ونىڭ الدىن الۋ ماقساتىندا ءاربىر ازامات مىنا قاعيدالاردى ەستە ساقتاۋى قاجەت:
ءوز ۋچاسكەسىنىڭ اينالاسىندا وتكەن جىلدان قالعان قۇرعاق ءشوپتى ورتەۋگە بولمايدى;
قالدىقتار مەن ىدىستاردى ورتەۋدى عيماراتتار مەن قۇرىلىستاردان كەمىندە 50 م قاشىقتىقتا جۇزەگە اسىرۋ قاجەت;
قالدىقتار مەن ىدىستاردى ورتەۋدى ارنايى بولىنگەن ورىنداردا جانە قىزمەت كورسەتۋشى پەرسونالدىڭ باقىلاۋىمەن جۇرگىزۋ قاجەت;
جانىپ تۇرعان سىرىڭكە مەن تەمەكى تۇقىلىن جەرگە لاقتىرماڭىز;
ءار تۇرعىن ءۇيدىڭ جانىنا سۋ ىدىسىن ورناتىڭىز (ساياجاي قوعامدارى, جەكە تۇرعىن ۇيلەر);
بالالارعا ءورت قاۋپى بار زاتتارمەن ويناۋعا رۇقسات بەرمەڭىز.
