وتكەن جىلى ەلىمىزگە تۇركمەنستاننان 1025 قانداسىمىز قونىس اۋدارعان ەدى.
تاريحي وتانىنا ورالۋعا نيەت بىلدىرگەن قانداستاردىڭ ۆيزالىق قۇجاتتارى تولىق دايىن جانە ولاردىڭ COVID-19 ىندەتىنە قاتىستى ءتيىستى پتر تەستىلەۋدىڭ انىقتامالارى بار.
الداعى ۋاقىتتا قانداستار وزدەرىنىڭ قالاۋى بويىنشا ەلىمىزدىڭ كەز كەلگەن وڭىرىنە قونىستانا الادى.
ەلگە كەلگەن قانداستار سولتۇستىك وڭىرلەرگە قونىس اۋدارعان جاعدايدا ولار ارنايى وڭىرلىك كۆوتالارمەن قامتىلادى.
ارنايى پويىز 12 مامىردا «تۇرىكمەنباشى» ستانتسياسىنان شىعىپ 13 مامىردا ساعات 12:00-دە «بولاشاق» ستانتسياسىنا, ودان ءارى «جاڭاوزەن» ستانتسياسىنا كەلدى.
ەل تاۋەلسىزدىك العاننان كەيىن ەلباسى ن.نازارباەۆتىڭ باستاماسىمەن شەتەلدەگى قانداستارىمىزدى ەلگە كوشىرۋ تۋرالى قاۋلى قابىلداندى. سودان بەرى قازاقستانعا 1 ميلليون 70 مىڭ قانداس ورالدى. مەملەكەت تاراپىنان ەتنيكالىق قازاقتاردىڭ ەلگە ورالۋىنا قولايلى جاعداي جاسالادى.
