ايماقتار • 13 مامىر، 2021

ايدا بالاەۆا قوستانايعا جۇمىس ساپارىمەن كەلدى

36 رەت كورسەتىلدى

اقپارات جانە قوعامدىق دامۋ ءمينيسترى ايدا بالاەۆا قوستانايعا جۇمىس ساپارى بارىسىندا وبلىستىق تەلەارنانىڭ 60 جىلدىق مەرەيتويىنا ارنالعان سالتاناتتى جيىنعا قاتىستى. باسقوسۋ بارىسىندا تەلەارنانىڭ 14 ءتىلشىسى مينيسترلىكتىڭ قۇرمەت گراموتالارىمەن ماراپاتتالدى، دەپ حابارلايدى Egemen.kz.

ايدا بالاەۆا  ودان كەيىن وبلىستىق تەلەارنا عيماراتىنا بارىپ، جۋرناليستەردىڭ جۇمىس جاعدايىمەن تانىستى.   

«فيليالداردىڭ دامۋى قاشاندا وبلىس باسشىلىعىنا بايلانىستى ماسەلە. وسى تۇرعىدان العاندا سىزدەر جولى بولعان ۇجىمسىزدار. وبلىستىق تەلەارنا بيىل 60 جىلدىق بەلەستى باعىندىرىپ وتىر. بارشاڭىزدى مەرەيتويلارىڭىزبەن قۇتتىقتاپ، شىعارماشىلىق تابىس تىلەيمىن! قوستاناي تەلەارناسى ەل كولەمىندە العاشقىلاردىڭ ءبىرى بولىپ تەلەحابار تاراتۋدىڭ تسيفرلىق جۇيەسىنە كوشتى. الداعى ۋاقىتتا ءالى تالاي تابىسقا قول جەتكىزەتىندەرىڭىزگە سەنەمىن»، دەدى ايدا بالاەۆا.

مينيستر تەلەارنا ارداگەرى ۆلاديمير ماراردىڭ ومىراۋىنا «ەڭبەك ارداگەرى» توسبەلگىسىن تاقتى. ال بايلانىس مامانى مۇرات مولداحمەتوۆكە «اقپارات سالاسىنىڭ ۇزدىگى» توسبەلگىسىن تاپسىردى.  

        

قوستاناي وبلىسى

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار