اقىلبەك كۇرىشباەۆتىڭ ايتۋىنشا, تۇقىمدىق ماتەريال ساپاسى تومەندەپ بارادى, ال اۋىل ەڭبەكككەرلەرى جىل سايىنعى جينايتىن ەگىن دە ازايا تۇسۋدە. سەناتوردىڭ ايتۋىنشا, ءونىم سورتتارى مەن بۋداندارىنىڭ شامامەن 70%-ى, ال بىرقاتار داقىلدار جانە ودان دا كوبىرەگى بىزگە شەتەلدەن اكەلىنەدى. دەمەك, ءبىز يمپورتتىق ونىمدەرگە تولىق تاۋەلدىمىز جانە ازىق-ت ۇلىك سالاسىنداعى تاۋەلسىزدىگىمىزدى دە جوعالتۋدامىز. سونىمەن قاتار, اكەلىنەتىن تۇقىمداردىڭ باسىم كوپشىلىگى ءبىزدىڭ توپىراق پەن كليماتتىق جاعدايىمىزعا بەيىمدەلمەگەن بولىپ وتىر.
سونىمەن قاتار, دەپۋتات بولىنگەن مەملەكەتتىك سۋبسيديالار شەتەلدىك تۇقىمداردى ارزانداتۋعا جۇمسالاتىنىنا نارازى. بۇل رەتتە, وتاندىق اگرارشى عالىمدارعا ءوز جۇمىستارىن جۇرگىزۋ ءۇشىن بيىل ءالى كۇنگە دەيىن قارجى بولىنگەن جوق.
وسىعان بايلانىستى اقىلبەك كۇرىشباەۆ عىلىمداعى جاعدايدى جاقسارتۋ جونىندە بىرقاتار ۇسىنىستارىن ايتتى. ونىڭ باستى ماقساتى - جوعارى ءونىمدى جانە كۇيزەلىسكە ءتوزىمدى سورتتار مەن داقىلداردىڭ بۋداندارىن ازىرلەۋ بولۋى كەرەك. بۇل ۇدەرىسكە مىندەتتى تۇردە وتاندىق اگرارلىق عزي مەن جوعارى وقۋ ورىندارى, بيوتەحنولوگيا ورتالىقتارى, سونداي-اق جەتەكشى شەتەلدىك عالىمدار قوسىلۋى ءتيىس. بۇل ۇدەرىستى زاڭنامالىق قولداۋ دا ماڭىزدى.
«سەلەكتسيا مەن تۇقىم شارۋاشىلىعىنداعى اۆتورلىق قۇقىقتاردى قورعاۋ, قازىرگى زامانداعى سەرتيفيكاتتاۋ ادىستەرىن قولدانا وتىرىپ سەلەكتسيالىق جەتىستىكتەردى تىركەۋ, ستاندارتتار مەن عىلىمي-ادىستەمەلىك بازانى جاڭارتۋ جونىندەگى زاڭنامالىق جانە نورماتيۆتىك بازانى كۇشەيتۋ قاجەت. سونداي-اق سەلەكتسيا جانە تۇقىم شارۋاشىلىعى سۋبەكتىلەرىنىڭ ماتەريالدىق-تەحنيكالىق جانە زەرتحانالىق بازاسىن نىعايتۋعا كومەك كورسەتۋ, ەلدە اۋىل شارۋاشىلىعى داقىلدارىنىڭ گەنەتيكالىق رەسۋرستارىنىڭ ۇلتتىق بانكىن ۇيىمداستىرۋ ماڭىزدى», دەدى اقىلبەك كۇرىشباەۆ.
سەناتور سونداي-اق تۇقىم شارۋاشىلىعى جۇيەسىنە مەملەكەتتىك قولداۋدى كۇشەيتىپ, وتاندىق سورتتاردى سۋبسيديالاۋ تەتىگىن قايتا قاراۋ كەرەك دەپ سانايدى.
«بۇل ۇسىنىستاردىڭ ءبارى 2021-2025 جىلدارعا ارنالعان اوك دامىتۋ جونىندەگى ازىرلەنىپ جاتقان ۇلتتىق جوبادا كورىنىس تاپقانى ءجون», دەپ اتاپ ءوتتى سەناتور.
