وقيعا • 13 مامىر، 2021

اقتوبە وبلىسىندا 5 جانە 6 جاسار بالالار سۋعا باتىپ كەتتى

1313 رەت كورسەتىلدى

اقتوبە وبلىسىندا ەكى بالا سۋعا باتىپ كەتتى، دەپ حابارلايدى Egemen.kz.

وبلىستىق تجد مالىمەتىنشە، وقيعا تۋرالى حابارلاما 12 مامىر كۇنى تۇنگى 22.29-دا تۇسكەن. بەس جانە التى جاسار ەكى بالا اقتوبە ماڭىنداعى بەكقۇل بابا اۋىلىنداعى جامان قارعالى وزەنىنە باتىپ كەتكەن.

وقيعا ورنىنا جەدەل-قۇتقارۋ جاساعىنىڭ سۇڭگۋىرلەرى مەن تجد پسيحولوگتارى شىقتى. ولار جەتكەنشە اۋىل تۇرعىندارى سۋدان 5 جاسار بالانىڭ ءمايىتىن الىپ شىعاققان.

كەيىن بالالار ۇلكەندەردىڭ قاراۋىنسىز قالىپ، سۋعا كيىمسىز تۇسكەنى بەلگىلى بولدى. ساعات 00.09-دا قۇتقارۋشىلار جاعادان ءۇش شاقىرىم جەردە، جەتى مەتر تەرەڭدىكتەن ەكىنشى بالانىڭ دەنەسىن تاپتى، ول التى جاستا بولعان.

اقتوبە وبلىسىنىڭ تجد وكىلدەرى اتا-انالارعا بالالارىنا سۋداعى قاۋىپ تۋرالى ەسكەرتىپ، ولاردى قاراۋسىز قالدىرماۋدى ءوتىندى. 

ايتا كەتەيىك، جىل باسىنان بەرى اقتوبە وبلىسىندا بەس ادام سۋعا باتىپ كەتتى، ولاردىڭ ۇشەۋى - ەرەسەك، ەكەۋى - بالا.

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار