قالالىق قوعامدىق دەنساۋلىق ساقتاۋ باسقارماسى تاراتقان مالىمەتكە سايكەس, 11 مامىر كۇنى 3 053 الماتىلىق ۆاكتسينا سالدىردى. بيىلعى جىلدىڭ 1 اقپانى مەن 12 مامىر ارالىعىندا قالادا بارلىعى 302 985 ادامعا ەكپە سالىندى. ۆاكتسينا ەگىلگەندەر اراسىندا 60 جاستان اسقان قارت كىسىلەردىڭ ۇلەسى – 30 382.
«جالپى دوزادان قازاقستاندىق QazVac ۆاكتسيناسى 3 000 داناسىن قۇرايدى, ياعني, 17 كۇننىڭ ىشىندە 2 990 ادام ۆاكتسينا الدى. 3 مامىر كۇنى قىتايدىڭ Sinopharm ۆاكتسيناسى 15 000 دوزاسى جەتكىزىلدى, ونىڭ ءبىرىنشى كومپونەنتى بويىنشا 1 514 ادامعا ۆاكتسينا ەگىلدى», دەپ اتاپ ءوتتى باسقارما وكىلى.
بۇگىنگى كۇنى قالادا 214 پۋنكت جۇمىس ىستەپ تۇر. 1 282 ادامنان تۇراتىن 315 ەگۋ بريگاداسى بار. سونىمەن قاتار 40 كوشپەلى ءموبيلدى بريگادا ۇيىمداستىرىلدى.
«قازىرگى مەديتسينالىق ۇيىمداردا, مەكتەپتەردە, مادەنيەت, سپورت وبەكتىلەرىندە, بازارلار مەن قالانىڭ سوسو-دا ۆاكتسيناتسيا پۋنكتى جۇمىس ىستەيدى», دەپ ناقتىلادى قوعامدىق دەنساۋلىق ساقتاۋ باسقارماسىنىڭ وكىلى.
