پارلامەنت • 13 مامىر، 2021

ماۋلەن اشىمباەۆ: قايىرىمدىلىقتى دارىپتەيتىن قاستەرلى مەيرام

19 رەت كورسەتىلدى

پارلامەنت سەناتىنىڭ توراعاسى ماۋلەن اشىمباەۆ ورازا ايت مەرەكەسىنە وراي فەيسبۋك الەۋمەتتىك جەلىسىندە قازاقستاندىقتاردى قۇتتىقتاپ، جازبا قالدىردى، دەپ حابارلايدى Egemen.kz.

«بارشاڭىزدى قاسيەتتى ورازا ايت مەرەكەسىمەن قۇتتىقتايمىن! بۇل – ادامزاتتى بەرەكە-بىرلىككە شاقىراتىن جانە قايىرىمدىلىق پەن قاراپايىمدىلىقتى دارىپتەيتىن قاستەرلى مەيرام. ءدال وسى كۇندەرى مۇقتاج جاندارعا قولداۋ كورسەتىپ، قامقورلىق تانىتۋ يگى داستۇرگە اينالدى. مۇنداي ىزگى امالدار ەلدىڭ ىنتىماعىن ارتتىرا تۇسەتىنى ءسوزسىز. اسىرەسە، قازىرگىدەي كۇردەلى كەزەڭدە ونىڭ ماڭىزى اسا زور. سوندىقتان ايت مەرەكەسىن يماندىلىقپەن بىرگە ادامگەرشىلىكتىڭ دە وزەگى دەپ قابىلدايمىز.

سىزدەردى ايتۋلى مەيراممەن قۇتتىقتاي وتىرىپ، رامازان ايىندا ۇستاعان ورازالارىڭىز بەن تىلەگەن دۇعا-تىلەكتەرىڭىز قابىل بولسىن دەپ تىلەيمىن. ءار شاڭىراق شاتتىققا كەنەلىپ، وتانىمىز وركەندەي بەرسىن. ورازادان ورازاعا امان-ەسەن جەتە بەرەيىك.

ايت مۇباراك بولسىن!»، دەپ جازدى سەنات توراعاسى.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار