كۇن رادياتسياسىنا كورىنەتىن جارىق, جىلۋ ەنەرگياسى جانە ۋلتراكۇلگىن ساۋلەلەر كىرەدى. ارقايسىمىز كۇننىڭ ۋلتراكۇلگىن ساۋلەلەرىنىڭ اسەرىنە ۇشىرايمىز.
ۋك-يندەكس حالىققا كۇننەن قورعايتىن قۇرالداردى قولدانۋ قاجەتتىلىگى تۋرالى ەسكەرتۋدىڭ ماڭىزدى قۇرالى بولىپ تابىلادى. ول ءۇشىن جىل سايىن مامىردان قىركۇيەككە دەيىن «قازگيدرومەت» رمك www.kazhydromet.kz سايتىندا ۋلتراكۇلگىن رادياتسيانىڭ يندەكسىن بولجاۋدىڭ اپتا سايىنعى بيۋللەتەنىن شىعارادى.
بيۋللەتەندە ۋلتراكۇلگىن ساۋلەلەنۋدىڭ دەڭگەيلەرى جانە الداعى اپتاعا ۋك-يندەكسىنىڭ بولجامدى ماندەرى ۇسىنىلادى.
مىسالى, ۋك يندەكسىنىڭ ءمانى 2-دەن تومەن بولسا, دەنساۋلىققا قىسقا مەرزىمدى جانە ۇزاق مەرزىمدى زيان كەلتىرۋ قاۋپى از بولادى. يندەكستىڭ ورتاشا, جوعارى ماندەرىندە كۇننەن قورعاۋدىڭ بارلىق ادىستەرىن قولدانۋ ۇسىنىلادى, ياعني دۇرىس كيىم, كوزىلدىرىك, كرەم, كۇننەن قورعايتىن زاتتار جانە ت.ب.
ۋك-يندەكسىنىڭ بولجامدىق ماندەرى نيدەرلاندىداعى «Royal» مەتەورولوگيالىق ينستيتۋتىنىڭ مودەلى بويىنشا ەسەپتەلگەن.
