ايماقتار • 12 مامىر، 2021

شىعىس قازاقستاندا ورمان بىرنەشە ايدا 16 رەت ورتەنگەن

10 رەت كورسەتىلدى

شىعىس قازاقستان وبلىسىندا بيىلعى ءورت قاۋپى جوعارى كەزەڭ باستالعالى بەرى 16 رەت ورمان ورتەنگەن، دەپ حابارلايدى Egemen.kz

شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، بيىلعى ءورت قاۋپى جوعارى كەزەڭ باستالعالى بەرى وڭىردە جالپى اۋماعى 295 گەكتاردى شارپىعان 16 ورمان ءورتى بولدى. سونداي-اق 1291 گەكتارعا جايىلعان 50-دەن استام ءشوپ جانۋ فاكتىسى تىركەلدى.

«كوپ جاعدايدا ءتىلسىز جاۋدىڭ شىعۋ سەبەبى – حالىقتىڭ وتتى ابايسىز پايدالانۋى، ءورت قويىپ ۇمىتىپ كەتۋ جانە سوندىرىلمەگەن تەمەكى تۇقىلى. ءورتتىڭ الدىن الۋ ءۇشىن قۇتقارۋشىلار 384 ادامنان تۇراتىن 69 ءموبيلدى توپ قۇردى. ولاردىڭ قۇرامىنا جەرگىلىكتى اتقارۋشى ورگاندار، پوليتسيا، ازاماتتىق قورعاۋ قىزمەتكەرلەرى مەن ورمانشىلار كىرەدى. وسى ۋاقىتقا دەيىن 139 رەت رەيد جۇرگىزىلدى. سونىڭ ناتيجەلەرى بويىنشا 207 ادام قر اقبتك-ءنىڭ 410 جانە 336-باپتارىنا سايكەس اكىمشىلىك جاۋاپكەرشىلىككە تارتىلعان. قۇرعاق ءشوپ پەن قوقىستى ورتەيتىندەر جازاسىز قالماۋى كەرەك. ويتكەنى بۇل اۋىر سالدارعا اكەپ سوعۋى مۇمكىن»، دەپ حابارلادى ۆەدومستۆو وكىلدەرى.

جالىن شىققان وشاقتى بىرگەن انىقتاۋ ءۇشىن قۇتقارۋشىلار كوسمومونيتورينگتى پايدالانادى. «Geosat» جشس-مەن جاسالعان كەلىسىم-شارت اياسىندا تەرمونۇكتەلەر بويىنشا دەرەكتەردى الۋعا مۇمكىندىك بار. بۇگىنگى تاڭدا عارىشتىق تەحنولوگيالاردىڭ كومەگىمەن قۇتقارۋشىلار ءورتتىڭ تارالۋىن تالاي رەت ۋاقتىلى انىقتاپ، جالىندى تەز اۋىزدىقتادى. 2021 جىلعى 11 ساۋىردەن باستاپ 176 تەرمونۇكتە تىركەلگەن.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار