ايماقتار • 12 مامىر، 2021

ماڭعىستاۋلىقتار تەاترعا Ashyq قوسىمشاسى ارقىلى كىرەدى

6 رەت كورسەتىلدى

قر تاۋەلسىزدىگىنىڭ 30 جىلدىعى اياسىندا ن.ءجانتورين اتىنداعى ماڭعىستاۋ وبلىستىق مۋزىكالىق-دراما تەاترى «نايزاعاي» دراماسىن كورەرمەنگە ۇسىنباق. تەاترعا كورەرمەندەر Ashyq ءموبيلدى قوسىمشاسى ارقىلى كىرەدى، دەپ حابارلايدى Egemen.kz

بۇل تۋرالى ماڭعىستاۋ وبلىستىق قوعامدىق كوممۋنيكاتسيا ورتالىعىندا وتكەن بريفينگتە ن.ءجانتورين اتىنداعى وبلىستىق مۋزىكالىق-دراما تەاتر ديرەكتورىنىڭ ورىنباسارى توقتامۇرات تىلەۋ ءمالىم ەتتى.

«تەاترعا كەلمەس بۇرىن تەلەفونىڭىزعا ارنايى Ashyq ءموبيلدى قوسىمشاسىن جۇكتەپ الىڭىز. وعان تەلەفون ءنومىرى ارقىلى اۆتوريزاتسيا جاساپ، جسن-ءدى ەنگىزىپ، الدىن الا تىركەلىڭىز. تەاترعا كىرە بەرىستە كىرۋدى تىركەۋ ءۇشىن نىساننىڭ جەكە QR-كودىن سكانەردەن وتكىزىپ، شىققان ناتيجەنى باقىلاۋشىعا كورسەتىڭىز. ەگەر ۇيالى تەلەفونىڭىز بولماعان جاعدايدا، جەكە كۋالىگىڭىزدى وزىڭىزبەن الىپ جۇرسەڭىز جەتكىلىكتى. باقىلاۋشى ارنايى باعدارلاما ارقىلى تەكسەرىپ، دەنساۋلىق ستاتۋسىڭىزدى انىقتايتىن بولادى. تەاتر قويىلىمدارىنىڭ جاس ساناتىنا ساي كەلەتىن، 7 جاستان اسقان بالالاردى الىپ كەلەتىن بولساڭىز، تەكسەرىس ءۇشىن ولاردىڭ كۋالىگىندە كورسەتىلگەن جسن قاجەت بولادى»، دەدى توقتامۇرات تىلەۋ.

سونداي-اق بۇگىننەن باستاپ كورەرمەنگە «نايزاعاي» اتتى جاڭا سپەكتاكل ۇسىنىلماق. پەسانىڭ بارىسى ەدىل جاعاسىنداعى شاعىن قالا تۇرعىندارىنىڭ ءومىر سالتى، ادەت-عۇرىپى مەن زاڭدارى تۋرالى ءوربيدى.

«نايزاعاي» – تاپتالعان سەزىم بۇرقانىسى، ۇرەي مەن تورىعۋعا سالىنىپ، ومىردەن ءتۇڭىلۋ. سپەكتاكل – ەركىندىكتى اڭساپ، بوستاندىققا ۇمتىلۋىمەن قورلىققا توزە الماۋ جايىندا. اركىم ءوز قالاۋى بويىنشا نە ىستەگىسى كەلسە دە، ءوزى بىلەتىن بۇگىنگى ەركىن زاماندا دا كەي جاندار ءۇشىن سۋيتسيد – اقيقاتتان قۇتىلۋدىڭ بىردەن ءبىر جولى بولسا كەرەك. دەمەك ازاپتان قۇتىلۋدىڭ دارا جولى – ءولىم. «نايزاعايدان» جاسىرىناتىن جەر جوق دەگەندى مەڭزەيدى. قويىلىم بىزگە ءومىرىمىز، ەموتسيالارىمىز، قايعى-قاسىرەتىمىز بەن پروبلەمالارىمىزدى كوركەمدىكپەن جەتكىزەدى. بىرنەشە عاسىر وتسە دە، قويىلىمدا كوتەرىلەتىن تاقىرىپتىڭ ءالى دە وزەكتى ەكەندىگىن تۇسىنەسىز. قازاق ساحنا كەڭىستىگىندە حاديشا بوكەەۆا، ءسابيرا مايقانوۆا، شاكەن ايمانوۆ جاساپ كەتكەن ۇزدىك وبرازداردى تەاترىمىزدىڭ ساحنا تورىنەن جاڭاشا جاڭعىرىپ، وزگەشە تۇرلەنۋىنە كۋا بولاسىزدار»، دەدى قويۋشى رەجيسسەر دينا جۇماباەۆا.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار