بوكس • 12 مامىر، 2021

ازيا چەمپيوناتىنا قاتىساتىن بوكسشىلارىمىز بەلگىلى بولدى

49 رەت كورسەتىلدى

21 مامىر مەن 1 ماۋسىم ارالىعىندا بىرىككەن اراب امىرلىكتەرىنىڭ دۋباي قالاسىندا بوكستان ەرەسەكتەر اراسىنداعى ازيا چەمپيوناتى وتەدى، دەپ حابارلايدى Egemen.kz Olympic.kz سايتىنا سىلتەمە جاساپ. 

بوكستان ازيا چەمپيوناتىنا قاتىساتىن قازاقستان كومانداسى: 

49 كەلى: دانيال ءسابيت

52 كەلى: ساكەن بيبوسىنوۆ

56 كەلى: سابىرحان ماحمۇد

60 كەلى: سەرىك تەمىرجانوۆ

64 كەلى: زاكير سافيۋللين

69 كەلى: ابىلايحان ءجۇسىپوۆ

75 كەلى: ءابىلحان امانقۇل

81 كەلى: بەكزاد نۇرداۋلەتوۆ

91 كەلى: ۆاسيلي لەۆيت

+91 كەلى: قامشىبەك قوڭقاباەۆ

«بۇل دوداعا وليمپياداعا قاتىساتىن بوكسشىلاردى تۇگەل الىپ بارا جاتىرمىز. ويتكەنى، ازيا چەمپيوناتى توكيو قارساڭىنداعى ەڭ ماڭىزدى دايىندىق كەزەڭدەرىنىڭ ءبىرى سانالادى. وليمپيادادا باق سىنايتىن جىگىتتەردى تاعى دا ءبىر سىناپ الماقپىز. سونداي-اق، ازيا چەمپيوناتى ون سالماق دارەجەسىندە وتەتىندىكتەن، 57 كەلىدەگى سەرىك تەمىرجانوۆتى 60 كەلىگە اۋىستىردىق. 52 كەلىدەگى سابىرحان ماحمۇد 56 كەلىدە جۇدىرىقتاسادى. 49 كەلىدە ەلىمىزدىڭ ەڭ جاس چەمپيوندارىنىڭ ءبىرى بولعان دانيال ءسابيتتى سىنعا قوستىق. وليمپياداشىلارعا تولىق مۇمكىندىك بەردىك»، دەيدى باس باپكەر عالىمبەك كەنجەباەۆ. 

ەسكە سالا كەتەيىك، بوكستان ازيا چەمپيوناتى ءۇندىستاننىڭ نيۋ-دەلي قالاسىندا ءوتۋى ءتيىس ەدى. الايدا، اتالعان ەلدەگى ەپيدەميولوگيالىق جاعدايعا بايلانىستى بىرىنشىلىك دۋبايعا اۋىستىرىلدى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار