قوعام • 12 مامىر، 2021

ەلوردا اۋەجايىندا «Ashyq» قوسىمشاسى ىسكە قوسىلدى

11 رەت كورسەتىلدى

ەلورداداعى نۇرسۇلتان نازارباەۆ حالىقارالىق اۋەجايىندا «Ashyq» قوسىمشاسى رەسمي تۇردە ىسكە قوسىلدى، دەپ حابارلايدى Egemen.kz.

اۋەجايدا «Ashyq» قوسىمشاسى اپتا باسىنان بەرى جۇمىس ىستەپ تۇر. الدىڭعى ەكى كۇندە جۇيە تەست رەجيمىندە ىسكە قوسىلعان. سول ارالىقتا 1 ادامدا «قىزىل» ءتۇستى، 4 ادامدا «سارى» ءتۇستى مارتەبە انىقتالىپ، عيماراتتىڭ كىرە بەرىسىنەن كەرى قايتارىلعان.

«Ashyq» قوسىمشاسىنىڭ بۇگىننەن باستاپ رەسمي ىسكە قوسىلۋىنا بايلانىستى بارلىق كەلۋشىگە الدىن الا قوسىمشانى جۇكتەپ الىپ، ءوز مارتەبەسىن تەكسەرۋ قاجەت. ال جولاۋشىلار بيلەت ساتىپ الماي تۇرىپ مارتەبەسىن انىقتاۋ كەرەك. Ashyq.kz قوسىمشاسى ارقىلى كۇيدى تەكسەرۋ ءۇشىن QR كود قولجەتىمدى.

«سارى» جانە «قىزىل» ءتۇستى مارتەبەسى بار جولاۋشىلارعا تەرمينال عيماراتىنا كىرۋگە رۇقسات بەرىلمەيدى. اۋەجايعا كەلۋشى ءوز مارتەبەسىن الدىن الا ءموبيلدى قوسىمشانى جۇكتەپ الىپ، Ashyq.kz سايتىنا كىرىپ ۇيدەن شىقپاي تۇرىپ بىلە الادى. جولاۋشىنىڭ مارتەبەسى «قىزىل» ءتۇستى ەكەنى اۋەجايدا انىقتالسا، بيلەت قۇنى قايتارىلادى. ول ءۇشىن اۋە كومپانياسىنا جۇگىنۋ قاجەت. «قىزىل» نەمەسە «سارى» ستاتۋس انىقتالعان جولاۋشىلاردى اۋەجايدىڭ ءوز الگوريتمى بويىنشا سانيتارلىق-ەپيدەميولوگيالىق قىزمەت وكىلدەرىنە تاپسىرامىز. سەس جانە پوليتسيا قىزمەتكەرلەرى بىزبەن بىرگە 24 ساعات بويى جۇمىس ىستەپ جاتىر»، دەيدى اۋەجايدىڭ ءباسپاسوز حاتشىسى ءانۋار شالەكەنوۆ.

 «Ashyq» قوسىمشاسىن جۇكتەگەن ادام ءوز ستاتۋسىن ءبىلۋ ءۇشىن اۋەلى ءتىلدى تاڭداۋى كەرەك. سودان كەيىن تەلەفون ءنومىرى بويىنشا تىركەلەدى. ەنگىزىلگەن نومىرگە كودى بار SMS حابارلاما كەلەدى. سول كود ارقىلى تەكسەرۋ جولىنا ءوتىپ، جەكە سايكەستەندىرۋ ءنومىرىن (جسن) ەنگىزىپ، تەرمينالعا كىرگەن كەزدە QR كود بەرىلەدى. وسى QR كود ارقىلى جولاۋشى مارتەبەسى انىقتالادى. ال شەتەلدىكتەر جسن ورنىنا پاسپورت ءنومىرى ارقىلى ءوز مارتەبەسىن انىقتاي الادى.

«اۋەجايعا كەلۋشىدە «Ashyq» جوباسىن ورناتاتىن سمارتفون بولماسا نەمەسە ءموبيلدى قوسىمشانى جۇكتەپ ۇلگەرمەسە، اۋەجايدىڭ جاۋاپتى قىزمەتكەرى ءوزىنىڭ ءموبيلدى قوسىمشاسىمەن كەلۋشىنىڭ جسن-sن ەنگىزۋ ارقىلى تىركەۋگە كومەكتەسەدى. سول ءۇشىن قىزمەتكەرلەرگە 20 ارنايى پلانشەت بولدىك»،  دەيدى ءانۋار شالەكەنوۆ.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

ۇقساس جاڭالىقتار