ەكونوميكا • 12 مامىر، 2021

جىل باسىنان بەرى بيۋدجەتكە 1،9 ترلن تەڭگە كىرىس ءتۇستى – قارجى ءمينيسترى

13 رەت كورسەتىلدى

وسى جىلعى 4 ايدىڭ قورىتىندىسى بويىنشا رەسپۋبليكالىق بيۋدجەتكە 1،9 ترلن سوماسىندا كىرىس ءتۇستى. بۇل تۋرالى ۇكىمەت وتىرىسىندا قر قارجى ءمينيسترى ەرلان جاماۋباەۆ ايتتى، دەپ حابارلايدى Egemen.kz.

 

«جىل باستالعالى بەرى مەملەكەتتىك بيۋدجەتكە ترانسفەرتتەردى ەسەپكە الماعاندا 3 ترلن 217 ملرد تەڭگە كولەمىندە كىرىس كىردى نەمەسە جوسپار 117% اتقارىلدى. رەسپۋبليكالىق بيۋدجەتكە 1،9 ترلن سوماسىندا كىرىس ءتۇستى نەمەسە جوسپار 106،7% ورىندالدى. كىرىستەر بويىنشا جوسپار 120 ملرد تەڭگەگە، ونىڭ ىشىندە سالىق 88 ملرد تەڭگەگە اسىرا ورىندالدى»، دەيدى ەرلان جاماۋباەۆ.

ونىڭ ايتۋىنشا، اسىرا ورىنداۋ نەگىزىنەن يمپورتقا سالىناتىن قوسىلعان قۇن سالىعى، مۇنايعا ەكسپورتتىق كەدەن باجى جانە كورپوراتيۆتىك تابىس سالىعى ەسەبىنەن قامتاماسىز ەتىلدى.

«يمپورتقا سالىنعان قوسىمشا قۇن سالىعى بويىنشا جوسپاردىڭ اسىرا ورىندالۋى بىرىنشىدەن، وتكەن جىلعى ءى توقسانمەن سالىستىرعاندا ءۇشىنشى ەلدەرمەن يمپورت كولەمىنىڭ 9،4% ۇلعايۋىنا بايلانىستى بولدى. بۇل رەتتە قحا-دان يمپورت اعىمداعى جىلى ءى توقساندا 47،4%-عا نەمەسە 525 ملن دوللارعا، ونىڭ ىشىندە تەك ناۋرىز ايىندا 2،2 ەسەگە نەمەسە 348 ملن دوللارعا ارتتى. ەۋرازيالىق ەونوميكالىق وداق ەلدەرىنەن يمپورتتالعان اۆتوكولىك قۇرالدارىنىڭ سانىنىڭ 24،3% ۇلعايۋىنا بايلانىستى. شيكى مۇنايعا ەكسپورتتار كەدەن باجىنىڭ مولشەرلەمەسىنىڭ ۇلعايۋىنا بايلانىستى بولدى. كورپاريتيۆتىك تابىس سالىعىنىڭ اسىرا ورىندالۋىنىڭ نەگىزگى سەبەبى – پاندەميانىڭ ەكونوميكاعا كەرى اسەر ەتۋىنە بايلانىستى وتكەن جىلدىڭ سالىق باعاسىنىڭ تومەن بولۋى»، دەيدى ول.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار