ايماقتار • 12 مامىر، 2021

قاراعاندىدا زاڭسىز بالىق اۋلاعان براكونەرلەر ۇستالدى

45 رەت كورسەتىلدى

قاراعاندىلىق براكونەرلەر 200 كەلىگە جۋىق بالىقتى زاڭسىز اۋلاعان، دەپ حابارلايدى Egemen.kz Polisia.kz-كە سىلتەمە جاساپ.

9 مامىردا قاراعاندى وبلىسى اقتوعاي اۋدانىنىڭ پب-ءنىڭ قىزمەتكەرلەرى بالقاش كولى ايماعىندا رەيدتىك ءىس-شارالار وتكىزدى. ءتارتىپ ساقشىلارى سۋ قويماسىنىڭ جاعاسىنان 300 مەتر قاشىقتىقتا مەملەكەتتىك تىركەۋ ءنومىرى جوق ۋاز اۆتوكولىگىن بايقاعان. اۆتوكولىك جولسىز جەرمەن ءجۇرىپ، «ەكاتەرينبۋرگ-الماتى» تاس جولىنا وتپەك بولعان.

پوليتسيا 30 جاستاعى ەر ادام باسقارعان كۇدىكتى كولىكتى توقتاتقاندا، كولىكتىڭ ىشىندە 59 جانە 50 جاستاعى تاعى ەكى جولاۋشى بولعان.

تەكسەرۋ بارىسىندا پوليتسەيلەر اۆتوكولىكتىڭ جۇكسالعىشىنان 200 كەلىگە جۋىق ءار ءتۇرلى بالىق تۇرلەرىن تاپتى. كەلتىرىلگەن شىعىن مولشەرى 800 مىڭنان استام تەڭگەنى قۇرايدى.

قر قك-ءنىڭ 335-بابى (بالىق رەسۋرستارىن، باسقا سۋ جانۋارلارىن نەمەسە وسىمدىكتەردى زاڭسىز ءوندىرۋ) بويىنشا قىلمىستىق ءىس قوزعالدى. قازىرگى ۋاقىتتا تەرگەۋ امالدارى جۇرگىزىلىپ جاتىر.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار