بارلىق ينفەكتسيالىق ستاتسيونارلاردا 3 513 ناۋقاس ەمدەلىپ جاتسا, ونىڭ ىشىندە 108 بالا, كۆي جۇقتىرعانداردىڭ 80%-دان استامىندا اۋرۋ بەلگىلەرى بار. بىراق قوي دەسە دە, قويماي تويلاتىپ, سايران سالىپ جۇرگەندەر جەتكىلىكتى. وسى مەرەكە كۇندەرى مەگاپوليستەگى «پينتا», «Hazbin», «ۆ شاتراح», «دوستار», «مياتا» سياقتى كارانتين تارتىبىنە كونبەيتىن ءدامحانا, بار, تۇنگى كلۋبتار قاتارى انىقتالدى.
مونيتورينگتىك توپتار 20 ناۋرىز بەن 10 مامىر ارالىعىندا جۇزدەگەن مەكەمەلەردى تەكسەرىپ, 795 كارانتين شەكتەۋلەرىن بۇزعانداردى انىقتادى. سونداي-اق 3 320 جەكە تۇلعاعا اكىمشىلىك ايىپپۇل سالىندى. تەكسەرۋشىلەر دەمالىس كۇندەرى دە جۇمىسىن توقتاتقان جوق. ويىن-ساۋىق مەكەمەلەرىنىڭ كارانتيندىك شارالاردى ساقتاۋىن تەكسەرۋ 7 مامىرعا قاراعان ءتۇنى جانە دۇيسەنبىگە دەيىن كۇشەيتىلدى. تەكسەرۋ بارىسىندا پوليتسيا, اكىمدىك جانە كاسىپكەرلەر پالاتاسى قىزمەتكەرلەرىنەن تۇراتىن ءموبيلدى توپتار قوعامدىق تاماقتانۋ, ساۋدا نىساندارىن, كومپيۋتەرلىك جانە لوتو كلۋبتاردى ارالاپ كوردى.
ءموبيلدى توپ وكىلدەرىنىڭ ايتۋىنشا, الماتىنىڭ ساۋدا جانە قوعامدىق تاماقتانۋ ورىندارىندا COVID-19 بويىنشا ەپيدەمياعا قارسى تالاپتاردىڭ ساقتالۋىنا مونيتورينگ كۇن سايىن, دەمالىس كۇندەرى جانە تۇندە جۇرگىزىلگەن. مىسالى, 7 مامىرعا قاراعان ءتۇنى الماتىدا كارانتيندىك شارالاردىڭ بۇزۋشىلىقتارى «ۆ شاتراح» مەيرامحاناسىندا ورىن العان. وندا 40-قا جۋىق كەلۋشى بولعان. سونداي-اق المالى اۋدانىندا 40 كەلۋشى بولعان «لوتو كلۋب» جۇمىس ىستەگەن. 8 مامىرعا قاراعان ءتۇنى بوستاندىق اۋدانىنىڭ مونيتورينگتىك توبىنىڭ وكىلدەرى «پينتا» بارىندا بۇزۋشىلىقتاردى انىقتادى. سول ءتۇنى سول اۋداندا «Hazbin» تۇنگى كلۋبى جۇمىس ىستەدى, وندا شامامەن 80 ادام بولدى. 9 مامىردان 10 مامىرعا قاراعان ءتۇنى قالادا تارتىپكە باعىنباعان تاعى 11 نىسان انىقتالدى. وكىنىشكە قاراي, ءالى دە الماتى تۇرعىندارى مەن قوناقتارىنىڭ ءبارى بىردەي پاندەميا جاعدايىندا ءومىر ءسۇرىپ جاتقانىمىزدى ەستە ساقتامايدى. ءدامحانا مەن مەيرامحانالارعا توپتالىپ بارۋ تىيىلماي تۇر. قاداعالاماسا, قىزمەتكەرلەر دە بەتپەردە كيمەيدى, اكىمشىلەر ءوز مەكەمەلەرىنە بەلگىلەنگەن ۋاقىتتان ارتىق جۇمىس ىستەۋگە مۇمكىندىك بەرەدى – ناتيجەسىندە وسىنىڭ بارلىعى ىندەتتىڭ جۇقتىرۋ قاۋپىن ارتتىرىپ وتىر. ونىڭ ۇستىنە مۋتاتسيالانعان بريتاندىق جانە وڭتۇستىكافريكالىق كۆي شتامدارىنىڭ اينالىمىنا بايلانىستى سيمپتوماتيكالىق ناۋقاستاردىڭ سانى كوبەيىپ تۇر.
بۇگىنگى تاڭدا الماتىدا 214 ۆاكتسينالاۋ پۋنكتى جۇمىس ىستەيدى, بارلىعى الماتى قالاسىنىڭ 250 مىڭ تۇرعىنى ۆاكتسينالاندى. ۇجىمدىق يممۋنيتەتتى قالىپتاستىرۋ جانە پاندەمياعا دەيىنگى ومىرگە ورالۋ ءۇشىن مەگاپوليس حالقىنىڭ 60-75%-ىن ۆاكتسينالاۋ قاجەت.
الماتى
