قوعام • 12 مامىر، 2021

كاسىپكەرلىك يدەياعا – جارتى ملن تەڭگە

6 رەت كورسەتىلدى

قازاقستاننىڭ 20 ۇكىمەتتىك ەمەس ۇيىمى وزدەرىنىڭ كاسىپكەرلىك يدەيالارىن ىسكە اسىرۋ ءۇشىن 500 مىڭ تەڭگەدەن الادى. بۇل تۋرالى «الەۋمەتتىك تالداۋ جانە ارىپتەستىك ورتالىعى» قو­عام­دىق قورىنىڭ «قازاقستاننىڭ ۇەۇ اراسىندا الەۋمەتتىك كاسىپكەرلىكتى ىنتالاندىرۋ جانە تانىمال ەتۋ» رەسپۋبليكالىق جوباسى شەڭبەرىندە الەۋمەتتىك كاسىپكەرلەر اراسىندا شاعىن گرانت­­تار كونكۋرسىن باستاۋعا ارنالعان ونلاين ءباسپاسوز كون­فە­­رەن­تسياسى بارىسىندا بەلگىلى بولدى.

قازاقستانداعى الەۋمەتتىك كا­سىپ­­كەرلىكتىڭ جاي-كۇيى بويىنشا قولدانبالى زەرتتەۋلەر جۇر­گى­زۋ، ءساتتى كەيستەر جيناۋ جانە الەۋمەتتىك كاسىپورىنداردىڭ دە­رەكتەر بازاسىن قۇرۋ، ۇەۇ-كون­كۋرس­قا قاتىسۋشىلار ءۇشىن وقىتۋ ۆەبينارلارىن وتكىزۋ، سونداي-اق گرانتتىق كونكۋرس پەن جوبانى كوپ­شىلىك تانىستىرىلىمدار، باق جانە الەۋمەتتىك جەلىلەر ار­قىلى اقپاراتتىق سۇيەمەلدەۋ جوس­پارلانعان.

«جىل قورىتىندىسى بويىنشا قولداۋ تاپقان جوبالاردىڭ كەم دەگەندە 30%-ى ءوزىن ءوزى قار­جى­لاندىرۋ نەمەسە جەرگىلىكتى دەڭ­گەي­دە قولداۋ ارقىلى، سونداي-اق وسى جوبالاردى ىسكە اسىرۋ اياسىندا تۇراقتى جالعاساتىن بولادى دەپ جوسپارلانۋدا»، دەدى الما قوناروۆا.

سونداي-اق ءباسپاسوز كونفە­رەن­تسياسىنا اقپارات جانە قو­عام­دىق دامۋ مينيسترلىگىنىڭ ازا­ماتتىق قوعام ىستەرى كو­مي­تە­تى توراعاسىنىڭ ورىنبا­سارى گۇلبارا سۇلتانوۆا، ازا­ماتتىق باستامالاردى قول­داۋ ورتالىعىنىڭ باس­قار­ما ءتورايىمى ليما دياس، الەۋ­مەت­تىك كاسىپكەر ەمين اس­كە­روۆ جانە باسقا دا ساراپشى­لار قاتىستى. گ.سۇلتانوۆا ءوز سو­زىندە مەملەكەتتىڭ الەۋمەتتىك كاسىپ­­كەر­لىكتى دامىتۋعا جانە ونى زاڭ­نامالىق دەڭگەيدە قول­داۋ­­عا مۇددەلىلىگىن اتاپ وتسە، ل.دياس ازاماتتىق باستامالار­دى قولداۋ ورتالىعى شاعىن گرانت­­تار كونكۋرسىنىڭ بارلىق قاتىسۋ­شى­سىنا ادىسنامالىق، كون­سۋل­تاتسيالىق جانە اقپا­رات­تىق قول­داۋ بولىگىندە تولىق قولداۋ كورسەتۋگە دايىن ەكەندىگىنە سەن­دىر­دى. ال Green TAL الەۋمەتتىك شە­بەر­حاناسىنىڭ نەگىزىن قالاۋ­شى ەمين اسكەروۆ جوبانىڭ بارلىق قاتىسۋشىسىنا كونسۋل­تا­تسيا­لىق كومەك كورسەتۋگە دايىن ەكەنىن ءبىل­دىرىپ، الەۋمەتتىك كاسىپكەرلىك سالا­سىنداعى ءوز تا­جىريبەسى تۋرالى ايتتى.

 

التىناي تەلىباەۆا،

ى.التىنسارين اتىنداعى №159 گيمنازيانىڭ
11-سىنىپ وقۋشىسى

 

الماتى

 

سوڭعى جاڭالىقتار

Atmaca زىمىرانى سىناقتان ءساتتى ءوتتى

تەحنولوگيا • بۇگىن، 18:35

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار