«ەرتەڭنەن باستاپ نۇرسۇلتان نازارباەۆ حالىقارالىق اۋەجايىندا «Ashyq» قوسىمشاسى ىسكە قوسىلادى. بارلىق جولاۋشىعا قوسىمشانى الدىن الا جۇكتەپ الىپ, وندا كورسەتىلگەن مارتەبەسىن تەكسەرۋ قاجەت ەكەنىن ەسكەرتەمىز.
تەرمينال عيماراتىنا «سارى» جانە «قىزىل» مارتەبەسى بار ادامدار جىبەرىلمەيدى. ول جاعدايدا قاراجاتتى قايتارۋ ماسەلەسى بويىنشا ساۋالداردى اۆياكومپانياعا جىبەرگەن ءجون. اقپارات دەنساۋلىق ساقتاۋ مينيسترلىگىنىڭ جالپى بازاسىنان الىنادى جانە جولاۋشىنىڭ قازىرگى ۋاقىتتاعى مارتەبەسى انىقتالادى», دەپ ءتۇسىندىردى اۋەجاي ءباسپاسوز قىزمەتىنىڭ وكىلى.
سمارتفونى جوق جولاۋشىلار جسن ارقىلى اۋەجاي قىزمەتكەرى پلانشەتىن قولدانىپ مارتەبەسىن تەكسەرە الادى. شەتەلدىك جولاۋشىلار مارتەبەسىن تولقۇجات ءنومىرىن ەنگىزۋ ارقىلى تەكسەرەدى.
سونداي-اق اۋەجاي قىزمەتكەرلەرى «تاڭەرتەڭگى رەيستەر كەزىندە» وسى ماسەلەگە بايلانىستى ۇزىن-سونار كەزەك تۋىنداعانىن ايتتى.
«مۇنداي جاعداي قايتالانباس ءۇشىن قوسىمشانى ۇيالى تەلەفونىڭىزعا الدىن الا جۇكتەپ الۋدى ۇسىنامىز», دەدى ءباسپاسوز قىزمەتى وكىلى.
