ۆەدومستۆونىڭ مالىمەتىنشە, ءورت مامىردىڭ 11-ءى كۇنى كوكشەتاۋ قالاسىنداعى بۋدەننىي كوشەسى 60 مەكەنجايىندا ورنالاسقان كوپقاباتتى تۇرعىن ۇيدە بولعان. ءورت تۋرالى حابارلاما ساعات 04:18-دە تۇسكەن.
ء«ورت اۋماعى 30 شارشى مەتردى قۇرادى. ودان 30 ادام ەۆاكۋاتسيالاندى, ونىڭ 10-ى بالالار. ءتىلسىز جاۋدى اۋىزدىقتاۋعا وبلىستىق تجد جەكە قۇرامىنان 22 ادام جانە 6 ءورت ءسوندىرۋ تەحنيكا جۇمىلدىرىلدى. ءورت ساعات 04:40-تا اۋىزدىقتالىپ, 04:48-دە ءسوندىرىلدى. قازىرگى كەزدە ءورتتىڭ شىعۋ سەبەبى انىقتالىپ جاتىر», دەدى اقمولا وبلىستىق توتەنشە جاعدايلار دەپارتامەنتىنىڭ وكىلدەرى.
