ايىپتالۋشىلار 3-تەن 10 جىلعا دەيىن باس بوستاندىعىنان ايىرىلىپ, ولارعا ءىرى كولەمدە ايىپپۇل سالىندى.
ەڭ اۋىر جازا «ۋزتەمير-يۋل-كۋريليش-مونتاج» ۇلتتىق كومپانياسىنىڭ باس ديرەكتورى بولعان حولماتوۆقا كەسىلگەن. وعان ۇرلىق جاساپ, م ۇلىكتى تالان تاراجعا سالدى جانە قاۋىپسىزدىككە سالعىرت قاراپ, ادام ولىمىنە سەبەپشى بولدى دەگەن ايىپ تاعىلىپ, 10 جىلعا سوتتالدى. سونداي-اق تاعى 4 ادام 5 جىلعا باس بوستاندىعىنان ايىرىلدى.
ەسكە سالا كەتەيىك, بىلتىر 1 مامىردا وزبەكستانداعى ساردوبا سۋ بوگەتى جارىلىپ, قويمادان اققان سۋ وزبەكستانداعى ەلدى مەكەندەرمەن بىرگە تۇركىستان وبلىسىنداعى بىرنەشە اۋىلدى باسىپ قالعان ەدى. جۇزدەگەن ادام زارداپ شەگىپ, مىڭداعان تۇرعىن ەۆاكۋاتسيالانعان بولاتىن.
