«انىقتالعانداي, سول پاتەردىڭ بالكونىنداعى ءۇي زاتتارى, تەرەزەنىڭ اعاش جاقتاۋى, ال بولمەسىندە – ءۇي زاتتارى مەن جيھاز ورتەنىپ جاتقان. ىرگەلەس جاتقان ءۇش بولمەلى پاتەردىڭ بالكونىنداعى اعاش جاقتاۋ كۇيگەن», دەپ حابارلادى پاۆلودار وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
دەپارتامەنت مالىمەتىنشە, ودان جوعارى ورنالاسقان التىنشى قاباتتاعى ەكى پاتەر تەرەزەلەرىنىڭ اعاش جاقتاۋلارى مەن ءۇي زاتتارى ورتەنگەن.
ءورتتىڭ جالپى اۋدانى - 11,5 شارشى مەتر. ءورت سوندىرۋشىلەر كەلگەنشە بۇل كىرەبەرىستەن 49 ادام, سونىڭ ىشىندە 11 بالا ءوز بەتىنشە ەۆاكۋاتسيالاندى.
«اپاتتار مەديتسيناسى قىزمەتىنە دەمىكپە دياگنوزىمەن 1967 جىلى تۋعان ايەل كەلىپ, كومەك سۇراعان. وعان العاشقى مەديتسينالىق كومەك كورسەتىلدى», دەدى دەپارتامەنتتەن.
ءورت ساعات 03.37-دە ءسوندىرىلدى. وقيعانىڭ سەبەبى مەن كەلگەن شىعىن انىقتالىپ جاتىر.
وقيعا ورنىنا تج دەپارتامەنتى جەكە قۇرامىنىڭ 26 قىزمەتكەرى مەن جەتى تەحنيكا, اپاتتار مەديتسيناسى ورتالىعى, 102 قىزمەتكەرلەرى شىققان.
قازا تاپقاندار مەن زارداپ شەككەندەر جوق.
