ايماقتار • 11 مامىر، 2021

لوبۋچە شىڭىن باعىندىردى

18 رەت كورسەتىلدى

«شىڭدار جانە كوك بايراق. ءبىز نە ءۇشىن نەمەسە كىم ءۇشىن ءومىر سۇرەمىز؟ جولدار ءبىزدى تاڭداي ما، الدە جولداردى ءبىز تاڭدايمىز با؟ مەن لوبۋچە بيىكتىگىندە تۇرمىن، قولىمدا – تۋ، جۇرەگىم ءجيى دۇرسىلدەيدى، ال جانىم قاسىمداعى ەۆەرەست شىڭىندا.

سوناۋ الىستاعى سياقتى 2019 جىلى اما-دابلام (6814 مەتر) بيىكتىگىن باعىن­دىر­عاننان كەيىن ءومىر كۇرت وزگەردى. الپينيزم دە تاۋلار دا وزگەرىپ، «كۇردەلىلىك سانا­تىنداعى» تۇسىنىكتەردىڭ شەكا­راسى جويىلدى. بۇرىن مەن تاۋلارعا ءوزىم ءۇشىن، ءوز بويىم­داعى ءالسىز تۇستاردى تاۋىپ، سونى جەڭۋ ءۇشىن باراتىن ەدىم.

قازىر باتىپ بارا جاتقان كۇنگە، قۇزدى شىڭدارعا قاراپ وتىرىپ، ءون بويىمدى ءبىر العىس سەزىمى مەن سىيلاستىق بيلەيتىنىن ءتۇسىندىم. ءبىزدىڭ جان دۇنيەمىزدە الەم تۋادى جانە قايتا جاڭعىرادى. ءبىز ءتىرى بولعان كەزدە ءبىزدى قور­شاعان الەم دە ءتىرى. جانە مۇنىڭ ءبارىن وزىڭمەن ءوزىڭ قاي­شىلىقتا جانە باعىنعان شىڭدار باسىندا تۇسىنەسىڭ.

قازاقستان تاۋەلسىزدىگىنە 30 جىل – از با، كوپ پە؟ زا­ماناۋي وركەنيەتپەن سا­لىس­تىرساڭىز از، بىراق ونىڭ قان­شالىقتى كوپ ەكەندىگىن ار­كىم ءوزى شەشەدى. قاراپ وتىر­­سام، قازاقستاننىڭ الپينيزم بو­يىن­شا قۇراما كومان­داسىنىڭ بارلىق جەڭىسى قازاقستان تاۋەلسىزدىگىنىڭ مەرەيتويلارىمەن ورايلاسىپتى. الايدا باسقا دا ايتۋلى داتا مەن سەبەپ جەتكىلىكتى بولاتىن. بىراق ءدال تاۋەلسىزدىك ءبىزدىڭ ءومىرىمىزدىڭ ماعىناسى جانە ءبىزدىڭ قوعامىمىزدىڭ بىرەگەيلىگى. تاعى ءبىر بيىكتىك ارتتا قالدى، الدا وتانعا اپارار جول كۇتىپ تۇر. قازىر نە­پالداعى ەپيدەميالىق احۋال­دىڭ تۇراقتانىپ، حالىقارالىق اۋە رەيستەرى قالپىنا كەلەتى­نىنە ءۇمىت ارتامىن. وسى جولدا ماعان تىلەكتەس بولعان بارشا­ڭىزعا العىسىم شەكسىز!»، دەپ جازادى لوبۋچە سياقتى الەم­نىڭ ەڭ قۇزار شىڭدارىن با­عىندىرعان جەرلەسىمىز ماقسۇت جۇماەۆ سوناۋ ءۇندىستاننان.

ورايى كەلىپ تۇرعاندا، كاتماندۋ – الپينيستەردىڭ مەككەسى ەكەندىگىن ايتا كە­تەلىك. وسىلايشا، قازاق ءال­پي­نيسى ماقسۇت جۇماەۆ تا­ۋەلسىزدىكتىڭ 30 جىلدىعىنا وراي، قازاقستان تۋىن گيمالاي ال­تىلىعىندا – لوبۋچەنىڭ وڭ­تۇستىك شىڭىنا الىپ شىق­تى.

شگش

تانىمال سپورتشى كات­­ماندۋعا قايتقاننان كەيىن قا­زاق­ستاندىق باق وكىل­دە­رىمەن باي­لانىسقا شىقتى. ونىڭ سوزىنشە، نەپالدا ەپيدەميا­لىق جاعدايعا بايلانىستى لوكداۋن جاريالانعان. ماق­سۇت جۇماەۆ اۋە بيلەتتەرىن قايتارۋعا ءماجبۇر بولعان، ەن­­دى كارانتيننىڭ جەڭىلدەۋىن كۇ­تىپ وتىر. الايدا الپينيست ءوز ميس­سياسىن تاعى دا ابىرويمەن اتقاردى.

«9 مامىردا 11.30-دا 6119 مەتر بيىكتىكتەگى لوبۋچە شى­ڭىن باعىندىردىق. تۇن­گى 03.00 شاماسىندا شىق­تىق، اۋا رايى جاقسى بولدى. اينالامىزداعى سەگىزمىڭدىقتار انىق كورىنىپ تۇردى. بىراق ساعات تاڭعى 09.00 شاماسىندا اۋا رايى بۇزىلىپ كەتتى، قار جاۋىپ، كورۋ 50 مەتر­­گە دەيىن ناشارلادى. قار جاۋ­عانىنا قاراماستان توق­تامادىق، تەك قادامدى باسەڭ­دەتتىك. توبىمىز اسىقپاي شىڭ­­­عا جەتتى»،  دەپ حابارلاي­دى جۇماەۆ.

سپورتشى شىڭدا ۇزاق ۋاقىت تۇرماعان. شاماسى كەل­گەنشە وزىنە اماناتتالعان تۋ­لارمەن سۋرەتكە ءتۇسىپ، قۇت­تىقتاۋ ۆيدەوسىن تۇسىرگەن. شىڭ باسىندا كوپ كىدىرمەي، قايتۋ كەرەك بولعان.

قازاقستاننىڭ تاۋەلسىز­دى­گىنە 30 جىل تول­عانىن دۇ­نيە جۇ­زىنە تانى­تۋدى كوز­­­دەپ بار­عان قازاق­ستان­دىق سپورتشى قازىر كات­مان­دۋ­دا. جۇماەۆ ميسسيا­سىن ورىن­داعاننان كەيىن قازاق­ستانعا تەزىرەك ورال­عىسى كە­لەتىنىن ايتادى.

 

الماتى

 

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار